અમેરિકાના સંરક્ષણ સચિવ લોયડ ઓસ્ટિનના આમંત્રણથી રક્ષા મંત્રી રાજનાથ સિંહ 23થી 26 ઓગસ્ટ સુધી અમેરિકાની મુલાકાતે જશે

મુલાકાત દરમિયાન સંરક્ષણ મંત્રી રાજનાથ સિંહ ઓસ્ટિન સાથે દ્વિપક્ષીય ચર્ચા કરશે અને યુએસના રાષ્ટ્રીય સુરક્ષા સલાહકાર જેક સુલિવાન સાથે પણ મુલાકાત કરશે

અમેરિકાના સંરક્ષણ સચિવ લોયડ ઓસ્ટિનના આમંત્રણને આવકારી સંરક્ષણ મંત્રી રાજનાથ સિંહ 23થી 26 ઓગસ્ટ સુધી અમેરિકાની મુલાકાતે જવાના છે.  તેમની મુલાકાત દરમિયાન સંરક્ષણ મંત્રી રાજનાથ સિંહ ઓસ્ટિન સાથે દ્વિપક્ષીય ચર્ચા કરશે અને યુએસના રાષ્ટ્રીય સુરક્ષા સલાહકાર જેક સુલિવાન સાથે પણ મુલાકાત કરશે. આ મુલાકાત એવા સમયે થવા જઈ રહી છે, જ્યારે ભારત અને અમેરિકા વચ્ચે ખાસ કરીને સંરક્ષણ ક્ષેત્રમાં સહયોગ વધી રહ્યો છે. તે બંને રાષ્ટ્રો વચ્ચે વ્યાપક વૈશ્વિક વ્યૂહાત્મક ભાગીદારીને વધુ વધારશે તેવી અપેક્ષા છે. સંરક્ષણ મંત્રી રાજનાથ સિંહ યુએસ સંરક્ષણ ઉદ્યોગના પ્રતિનિધિઓ સાથે ચાલુ અને ભાવિ સંરક્ષણ સહયોગની શોધ કરવા માટે ઉચ્ચ સ્તરીય રાઉન્ડ ટેબલનું નેતૃત્વ પણ કરશે. તેમના રોકાણ દરમિયાન તેઓ યુએસમાં ભારતીય સમુદાય સાથે પણ વાતચીત કરશે.