શોર્ય અને સાહસના પ્રદર્શન સાથે ઉજવવામાં આવી વાયુસેનાની 87મી વર્ષગાંઠ

8 ઓક્ટોબર 1932ના રોજ ભારતીય વાયુસેનાની સ્થાપના કરવામાં આવી હતી.

વાયુસેનાની સ્થાપનાને 87 વર્ષ પૂરા થયાં હતાં. 8 ઓક્ટોબર 1932ના રોજ ભારતીય વાયુસેનાની સ્થાપના કરવામાં આવી હતી. આ તકે રાષ્ટ્રપતિ, પ્રધાનમંત્રી અને સંરક્ષણ મંત્રીએ વાયુસેના કર્મીઓને શુભેચ્છા પાઠવી હતી.

ભારતીય વાયુસેનાના સ્થાપના દિવસને Air Force Day તરીકે ઉજવવામાં આવે છે. આ તકે ગઈકાલે ગાઝિયાબાદ સ્થિત હિંડન એરબેઝ પર કાર્યક્રમનું આયોજન કરવામાં આવ્યું હતું. આ દરમિયાન વાયુસેનાના જવાનોએ હેરતઅંગેજ કરતબ બતાવ્યાં હતાં. આ તકે વાયુસેના પ્રમુખ આર.કે.સિંહ ભદૌરિયાએ કહ્યું કે રફાલ લડાકૂ વિમાન અને એસ-400 મિસાઈલ પ્રણાલી જેવા મહત્વના ફેરફારના કારણે ભારતીય વાયુસેનાનું આધુનિકીકરણ થઈ રહ્યું છે.