સોનિયા અને રાહુલ ગાંધીની વધી ચિંતા, નેશનલ હેરાલ્ડ કેસમાં હાજર થવા આદેશ

દિલ્હીની રાઉઝ એવન્યુ કોર્ટે નેશનલ હેરાલ્ડ મની લોન્ડરિંગ કેસમાં કોંગ્રેસ નેતાઓ સોનિયા ગાંધી, રાહુલ ગાંધી અને અન્ય આરોપીઓને નોટિસ જારી કરી છે. સ્પેશિયલ જજ વિશાલ ગોગણેએ સોનિયા ગાંધી અને રાહુલ ગાંધી સહિત સાત આરોપીઓને 8 મેના રોજ કોર્ટમાં હાજર રહેવાનો આદેશ આપ્યો છે.

દિલ્હીની રાઉઝ એવન્યુ કોર્ટે નેશનલ હેરાલ્ડ મની લોન્ડરિંગ કેસમાં કોંગ્રેસ નેતાઓ સોનિયા ગાંધી, રાહુલ ગાંધી અને અન્ય આરોપીઓને નોટિસ જારી કરી છે. સ્પેશિયલ જજ વિશાલ ગોગણેએ સોનિયા ગાંધી અને રાહુલ ગાંધી સહિત સાત આરોપીઓને 8 મેના રોજ કોર્ટમાં હાજર રહેવાનો આદેશ આપ્યો છે.એન્ફોર્સમેન્ટ ડિરેક્ટોરેટએ 15 એપ્રિલે કોર્ટમાં ફરિયાદ દાખલ કરી હતી. EDએ આ કેસમાં કોંગ્રેસ નેતા સોનિયા ગાંધી, લોકસભામાં વિરોધ પક્ષના નેતા રાહુલ ગાંધી અને સેમ પિત્રોડાને આરોપી બનાવ્યા છે. EDએ મની લોન્ડરિંગ એક્ટની કલમ 44 અને 45 હેઠળ ફરિયાદ દાખલ કરી છે. ED વતી હાજર રહેલા એડવોકેટ એન.કે. માટાએ કહ્યું હતું કે આ કેસમાં, 2019માં CBIએ ભારતીય દંડ સંહિતાની કલમ 403, 406 અને 420 હેઠળ FIR નોંધી હતી.

આ કેસમાં, ફરિયાદી સુબ્રમણ્યમ સ્વામીએ આરોપ લગાવ્યો છે કે દિલ્હીના બહાદુર શાહ ઝફર માર્ગ પર સ્થિત 1600 કરોડ રૂપિયાના હેરાલ્ડ હાઉસ બિલ્ડિંગ પર કબજો કરવાના ષડયંત્રના ભાગ રૂપે યંગ ઇન્ડિયન લિમિટેડને AJLની મિલકતના અધિકારો આપવામાં આવ્યા હતા. સુબ્રમણ્યમ સ્વામી કહે છે કે કેન્દ્ર સરકારે હેરાલ્ડ હાઉસને અખબાર ચલાવવા માટે જમીન આપી હતી, તેથી તેનો ઉપયોગ વ્યાપારી હેતુ માટે કરી શકાતો નથી. જ્યારે ગાંધી પરિવારે દલીલ કરી હતી કે તેમને બિનજરૂરી રીતે હેરાન કરવાના ઈરાદાથી કોર્ટ સમક્ષ અરજી દાખલ કરવામાં આવી છે.