ચાલુ નાણાકીય વર્ષમાં કુલ ડાયરેક્ટ ટેક્સ કલેક્શન 12.73 ટકા વધીને અત્યાર સુધીમાં 4 લાખ 19 હજાર 338 કરોડ રૂપિયા થઈ ગયું

નાણાકીય વર્ષ 2023-24 માટે અત્યાર સુધીમાં કુલ ડાયરેક્ટ ટેક્સ કલેક્શનમાં 12.73 ટકાની વૃદ્ધિ નોંધાઈ છે. અગાઉના નાણાકીય વર્ષના સમાન સમયગાળામાં 3 લાખ 71 હજાર 982 કરોડની સરખામણીમાં આ આંકડો 4 લાખ 19 હજાર 338 કરોડ રૂપિયા છે. નેટ કલેક્શન 3 લાખ 79 હજાર 760 કરોડ છે, જે 11.18 ટકાની વૃદ્ધિ દર્શાવે છે.

કુલ કલેક્શનમાં કોર્પોરેશન ટેક્સ 1 લાખ 87 હજાર 311 કરોડ અને વ્યક્તિગત આવકવેરો 2 લાખ 31 હજાર 391 કરોડનો સમાવેશ થાય છે. 2023-24ના પ્રથમ ત્રિમાસિક ગાળામાં એડવાન્સ ટેક્સ કલેક્શન 1 લાખ 16 હજાર 776 કરોડ છે, જે 13.70 ટકાની વૃદ્ધિ દર્શાવે છે. 2023-24માં અત્યાર સુધીમાં 39 હજાર 578 કરોડના રિફંડ પણ જારી કરવામાં આવ્યા છે.