ભારતીય શેર બજાર પર મિશ્ર વૈશ્વિક સંકેતોની અસર જોવા મળી

સતત ત્રણ દિવસ સુધી વધ્યા બાદ શેરબજારમાં ચોથા દિવસે પણ થોડી ધીમી ગતિ જોવા મળી રહી છે. સેન્સેક્સ અને નિફ્ટી મિશ્ર કારોબાર સાથે ખુલ્યા છે. સેન્સેક્સ લીલા નિશાનમાં ખુલ્યો છે જ્યારે નિફ્ટી મામૂલી સ્લિપ સાથે ખુલ્યો છે. બેન્ક નિફ્ટીમાં 170 પોઈન્ટથી વધુનો ઘટાડો જોવા મળી રહ્યો છે અને તે 43500ની નીચે ટ્રેડ થઈ રહ્યો છે.

BSE સેન્સેક્સ 62.6 પોઈન્ટના મામૂલી વધારા સાથે 65,021 ના ​​સ્તર પર ખુલ્યો. આ સાથે જ નેશનલ સ્ટોક એક્સચેન્જનો નિફ્ટી 8 પોઈન્ટ ઘટીને 19,404ની સપાટીએ ખૂલ્યો છે.આજે સેન્સેક્સના 30 શેરમાંથી 13 શેરમાં ઉછાળો અને 17 શેરમાં ઘટાડો જોવા મળી રહ્યો છે.

આઈટી, મેટલ, ફાર્મા, હેલ્થકેર ઈન્ડેક્સ, કન્ઝ્યુમર ડ્યુરેબલ્સ અને ઓઈલ એન્ડ ગેસના શેર ઝડપથી ટ્રેડ થઈ રહ્યા છે. બેન્ક, ઓટો, ફાઇનાન્શિયલ સર્વિસિસ, રિયલ્ટી, મીડિયા અને એફએમસીજી સેક્ટરમાં ઘટાડો જોવા મળી રહ્યો છે.