વિશ્વભરના શેરબજારોમાંથી મિશ્ર સંકેતો વચ્ચે ભારતીય શેરબજારમાં શરૂઆત ફ્લેટ રહી

આજે એશિયન બજારોમાં દબાણનો સમાન વલણ જોવા મળી રહ્યું છે.

વિશ્વભરના શેરબજારોમાંથી મિશ્ર સંકેતો વચ્ચે ભારતીય શેરબજારમાં શરૂઆત ફ્લેટ રહી છે. સેન્સેક્સ 21.89 પોઈન્ટ ઘટીને 60,278.69 પર અને નિફ્ટી 9.30 પોઈન્ટ ઘટીને 17,804.30 પર કારોબાર કરી રહ્યો છે. બજાજ ફાઇનાન્સ, એસબીઆઇ લાઇફ ઇન્સ્યોરન્સ, બજાજ ફિનસર્વ, યુપીએલ અને બીપીસીએલ નિફ્ટીમાં ટોપ ગેઈનર હતા, જ્યારે એચડીએફસી લાઇફ, ઓએનજીસી, હિન્દાલ્કો ઇન્ડસ્ટ્રીઝ, જેએસડબ્લ્યુ સ્ટીલ અને ડિવિસ લેબ્સમા મંદીની ચાલ જોવા મળી છે. સવારે 09:20 વાગ્યે સેન્સેક્સની 30માંથી 16 કંપનીઓના શેર લાલ નિશાનમાં હતા. TCS અને HDFC શરૂઆતના વેપારમાં સૌથી વધુ નુકસાનકર્તા છે. એક્સિસ બેંક, ICICI બેંક, SBI સહિત તમામ મોટા બેંકિંગ અને નાણાકીય શેરો પણ ખોટમાં છે. જો વૈશ્વિક બજારની વાત કરીએ તો METAના સકારાત્મક પરિણામોને કારણે યુએસ ફ્યુચર્સ માર્કેટમાં ખરીદી વધી છે. આમાં ડાઉ, નાસ્ડેક અને S&P FUTનો સમાવેશ થાય છે. આજે એશિયન બજારોમાં દબાણનો સમાન વલણ જોવા મળી રહ્યું છે. આજના કારોબારમાં જાપાનનો નિક્કી ઈન્ડેક્સ 0.23 ટકા જ્યારે હોંગકોંગનો હેંગસેંગ 0.06 ટકાના ઘટાડા સાથે કારોબાર કરી રહ્યા છે.