સપ્તાહના પ્રથમ કારોબારી દિવસે ભારતીય શેરબજારની શરૂઆત નબળી રહી

સપ્તાહના પ્રથમ કારોબારી દિવસે ભારતીય શેરબજારની શરૂઆત નબળી રહી છે.  સેન્સેક્સ તેની શરૂઆતમાં 350 પોઈન્ટથી વધુ તૂટી ગયો છે. નિફ્ટીમાં પણ બજાર ખુલતાની સાથે જ 17000 ની નીચે કારોબાર જોવા મળી રહ્યો છે. આ સિવાય આઈટી અને બેંકિંગ શેરોમાં જોરદાર ઘટાડો જોવા મળી રહ્યો છે.વૈશ્વિક બજારોના નકારાત્મક વલણો વચ્ચે આજે સ્થાનિક બજારો ઘટાડાનાં માર્ગે છે. કારોબાર શરૂ થતાની સાથે જ BSE સેન્સેક્સ અને NSE નિફ્ટી બંને મુખ્ય સૂચકાંકો લાલ નિશાનમાં આવી ગયા હતા.TCSના શેરમાં 3% જ્યારે ઈન્ફોસિસના શેરમાં 2%નો ઘટાડો થયો હતો. અમેરિકી ડૉલરના મુકાબલે ભારતીય રૂપિયો 6 પૈસા મજબૂત થઈને ખુલ્યો હતો. રૂપિયો 82.55ની સામે 82.49 પ્રતિ ડૉલર પર ખુલ્યો હતો.