સોમવારે ભારતીય શેરબજારની શરૂઆત પોઝીટીવ ટ્રેન્ડ સાથે થઈ 

સોમવારે ભારતીય શેરબજારની શરૂઆત પોઝીટીવ ટ્રેન્ડ સાથે થઈ હતી. બજારના બંને મુખ્ય સૂચકાંકો તેજી સાથે ખુલ્યા હતા. સેન્સેક્સ 165 પોઈન્ટ્સ વધીને 60 હજાર 424 પર અને નિફ્ટી 54.50 પોઈન્ટ્સ વધીને 18 હજાર 11 પર હતો. આજે માર્કેટમાં આઈટી, ફાર્મા, બેંકિંગ અને હેલ્થકેર ઈન્ડેક્સમાં તેજી જોવા મળી રહી છે. તે જ સમયે, એફ. એમ. સી. જી. , મેટલ અને ઇન્ફ્રા ઇન્ડેક્સમાં ઘટાડો જોવા મળી રહ્યો છે. બજાજ ફાઇનાન્સ, એચડીએફસી લાઇફ, સનફાર્મા, કોટક મહિન્દ્રા બેન્ક, એચડીએફસી બેન્ક, એપોલો હોસ્પિટલ્સ,  એસબીઆઇ, ટેક મહિન્દ્રા, અલ્ટ્રાટેક સિમેન્ટ તેજી સાથે ટ્રેડ કરી રહ્યાં છે. જ્યારે TCS, JSW, BPCL, ટાટા સ્ટીલ અને M&M નુકસાન સાથે ખુલ્યા હતા.