અમદાવાદને દિવાળી પર ભેટ, કેન્દ્રિય ગૃહમંત્રી અમિત શાહના હસ્તે વિકાસ કાર્યોનું લોકાર્પણ

જનસભાને કર્યું સંબોધન

કેન્દ્રિય ગૃહમંત્રી અમિત શાહે આજે અમદાવાદના બોપલ ખાતે મહાનગર પાલિકા અને ઔડા દ્વારા નિર્મિત, અંદાજીત 800 કરોડના વિવિધ વિકાસના કાર્યોનું ખાતમુહૂર્ત અને લોકાર્પણ કર્યું હતું. આ પ્રસંગે જનસભાને સંબોધતાં ગૃહમંત્રીએ જણાવ્યું હતું કે, NDA સરકારે લોકોને પાયાની સુવિધાઓ પુરી પાડી છે. આ ઉપરાંત વિપક્ષ પર પ્રહાર કરતાં તેમણે જણાવ્યું હતું કે, જે લોકોએ 70 વર્ષ સુધી દેશમાં શાસન કર્યું તેઓ દેશવાસીઓને પાયાની સુવિધા આપી શક્યા ન હતા. આ ઉપરાંત મુખ્ય મંત્રી વિજય રૂપાણીએ પણ જણાવ્યું હતું કે, આવનારા દિવસોમાં વિશ્વના વિકસીત શહેરોમાં ગુજરાતના શહેરોની ગણના થાય તે માટે રાજ્ય સરકાર કાર્ય કરી રહી છે.