અમદાવાદ ખાતે ચોથો રાષ્ટ્રીય સુરક્ષા સેમિનાર યોજાયો

રાજ્યપાલની અધ્યક્ષતામાં સેમિનાર યોજાયો

એરફોર્સ એસોસિયેશન ગુજરાત દ્વારા ફ્લાઈંગ ઓફિસર પરમવીર ચક્ર પ્રાપ્તકરનાર નિર્મલજીત સિંઘની સ્મૃતિમાં ગઇકાલે અમદાવાદ ખાતે ચોથો રાષ્ટ્રીય સુરક્ષા સેમિનાર રાજ્યપાલ ઓ. પી. કોહલીની અધ્યક્ષતામાં યોજાયો હતો. આ સેમિનારમાં એરફોર્સમાં ફરજ બજાવતા તેમજ રિટાયર્ડ અધિકારીઓ અને કર્મચારીઓ મોટી સંખ્યામાં ઉપસ્થિત રહ્યા હતા. આ સેમિનારમાં રાજ્યપાલ ઓ.પી. કોહલીએ ગુજરાતમાંથી વાયુદળમાં વધુમાં વધુ સંખ્યામાં યુવાનો જોડાય તે બાબત પર ભાર મૂક્યો હતો. આ પ્રસંગે નિવૃત વાઇસ એડમિરલ અનુપસિંઘ, નિવૃત્ત લેફટનન્ટ જનરલ કે. જે. સિંઘ તથા એસ. એસ. ત્યાગીએ રાષ્ટ્રીય સુરક્ષા સંદર્ભે પોતાના વિચારો રજૂ કર્યા હતા.