અમરેલીમાં 80મા સ્વાતંત્ર્ય પર્વની અનોખી ઉજવણી

અમરેલીમાં 80મા સ્વાતંત્ર્ય પર્વની અનોખી ઉજવણી: 15મી ઓગસ્ટે યોજાશે ભવ્ય ‘ડોગ શો’

આગામી 80મા સ્વાતંત્ર્ય પર્વના અવસર પર રાજ્યભરમાં ઉત્સાહનો માહોલ છે, ત્યારે અમરેલી ખાતે એક ખાસ અને રોમાંચક કાર્યક્રમનું આયોજન કરવામાં આવ્યું છે. સ્વાતંત્ર્ય દિવસની ઉજવણીના ભાગરૂપે અમરેલીમાં ડોગ શોનું આયોજન કરાયું છે, જે આકર્ષણનું મુખ્ય કેન્દ્ર બનશે.

આ વિશેષ પ્રદર્શનમાં ‘ઓલ ઈન્ડિયા ડ્યુટી મીટ 2026’ માં મહારાષ્ટ્ર ખાતે ગોલ્ડ મેડલ મેળવનાર ચેક ડોગ સહિતના તેજસ્વી શ્વાન પોતાના અદ્ભુત કૌવત અને કરતબો રજૂ કરશે.

મુખ્ય આકર્ષણો:

રાષ્ટ્રીય સ્તરે વિજેતા શ્વાનનું પ્રદર્શન: ઓલ ઈન્ડિયા ડ્યુટી મીટમાં ગોલ્ડ મેડલ વિજેતા બનેલો ચેક ડોગ આ શો દરમિયાન પોતાની વિશેષ કુશળતા અને તાલીમનું પ્રદર્શન કરશે.

મુખ્યમંત્રી સમક્ષ કરતબોની પ્રસ્તુતિ: 

આ અંગે વધુ વિગતો આપતા DYSP વિજયસિંહ પરમારે જણાવ્યું હતું કે, અલગ-અલગ સુરક્ષા અને તપાસ વિભાગોમાં પોલીસ શ્વાનની ભૂમિકા અત્યંત મહત્વપૂર્ણ અને આશ્ચર્યચકિત કરી દેનારી હોય છે. ગુજરાત પોલીસની શાન સમાન આ શ્વાનોના અદભુત કરતબો આગામી ૧૫મી ઓગસ્ટે રાજ્યના મુખ્યમંત્રી સમક્ષ વિશેષરૂપે રજૂ કરવામાં આવશે.

પોલીસ વિભાગમાં શ્વાનની અનન્ય ભૂમિકા

ગુજરાત પોલીસના શ્વાન દળ દ્વારા ગુનાખોરી ડામવા, ગુનેગારોને પકડવા અને સુરક્ષા તપાસમાં ઉત્કૃષ્ટ કામગીરી કરવામાં આવે છે. સ્વતંત્ર્ય પર્વ નિમિત્તે યોજાનાર આ ડોગ શો દ્વારા નાગરિકો, ખાસ કરીને યુવાનો અને બાળકો પોલીસ શ્વાનની તાલીમ, ક્ષમતા અને દેશસેવા માટેના સમર્પણને નજીકથી જોઈ શકશે.