અમિત શાહ ગાંધીનગરથી લોકસભા ચૂંટણી લડશે, ભાજપમાં જોરદાર ઉત્સાહ

ભાજપે ગઈકાલે 184 ઉમેદવારની યાદી જાહેર કરી છે

લોકસભા ચૂંટણી માટે ભાજપે તેમની પ્રથમ યાદી જાહેર કરી છે. પ્રધાનમંત્રી નરેન્દ્ર મોદી વારાણસીથી , રાષ્ટ્રીય અધ્યક્ષ અમિત શાહ ગાંધીનગરથી, રાજનાથસિંહ લખનૌ, નીતિન ગડકરી નાગપુરથી , અને સ્મૃતિ ઇરાનીને અમેઠીથી ઉમેદવાર બનાવાયા છે. ભાજપે ગઈકાલે 184 ઉમેદવારની યાદી જાહેર કરી છે. ભાજપ નેતા જે.પી. નડ્ડાએ કહ્યું કે, પ્રથમ યાદીમાં , 20 રાજ્યોમાંથી ભાજપ ઉમેદવારોના નામની જાહેરાત કરવામાં આવી છે. વીસ રાજ્યોમાં ઉત્તર પ્રદેશ - 28, પશ્ચિમ બંગાળ - 28, કર્ણાટક - 21, મહારાષ્ટ્ર - 16, રાજસ્થાન - 16, કેરળ - 13, ઓડિસા - 10, તેલંગાણા - 10, આસામ - 8, છત્તીસગઢ - 5, તામિલનાડુ - 5, ઉત્તરાખંડ - 5, જમ્મુ-કાશ્મીર - 5, આધ્રપ્રદેશ - 2, મણીપુર - 2, ત્રિપુરા - 2, અરૂણાચલ પ્રદેશ - 2, ગુજરાત - 1, સિક્કીમ - 1, મિઝોરમ - 1, દાદરા નગર હવેલી - 1, આંદામાન-નિકોબાર - 1, લક્ષદ્વિપ - 1 છે. તેમાં વી.કે.સિંહ ગાઝીયાબાદ , મહેશ શર્મા ગૌતમ બુદ્ધનગરથી , સ્મૃતિ ઇરાની અમેઠીથી ચૂંટણી લડશે. મુઝફ્ફર નગરથી સંજીવ બાલિયાન, મથુરાથી હેમા માલિની, મેરઠથી રાજેન્દ્ર અગ્રવાલને ટિકિટ આપી છે. બિહારની 17 સીટના નામ પસંદ કરીને , પ્રદેશ ચૂંટણી સમિતિને મોકલ્યા છે. છેલ્લા ચાર દિવસથી મેરેથોન બેઠક કરી આ યાદી ફાઈનલ કરવામાં આવી છે.