આરોગ્ય મંત્રીએ વિસનગર ખાતે 50 પથારીની નવીન સરકારી આયુર્વેદિક હોસ્પિટલના બાંધકામનું ભૂમિપૂજન કર્યું

વિસનગરના ધારાસભ્ય અને રાજ્યના આરોગ્ય મંત્રી ઋષિકેશ પટેલે વિસનગર ખાતે ૫૦ પથારીની નવીન સરકારી આયુર્વેદિક હોસ્પિટલ બાંધકામનું આજે ભૂમિપૂજન કર્યું હતું. વર્ષ 2023-24ના બજેટમાં વિસનગર ખાતે નવીન આયુર્વેદ હોસ્પિટલ માટે જોગવાઇ કરવામાં આવી હતી જેનું આજે મંત્રી ઋષિકેશ પટેલેના હસ્તે ભૂમિપૂજન કરાયું હતું. 50 બેડની નિર્માણ પામનારા આ આયુર્વેદ હોસ્પિટલ અત્યાધુનિક સેવા-સુવિધાઓથી સજ્જ બનશે.

વિસનગર ખાતેની આયુર્વેદિક હોસ્પિટલ પ્રજાજનોની આરોગ્ય સુખાકારીમાં વધારો કરશે તેમ મંત્રી ઋષિકેશ પટેલ એ આ પ્રસંગે જણાવ્યું હતું. ઋષિકેશ પટેલે વિસનગર સબ ડિસ્ટ્રિક્ટ હોસ્પિટલ ખાતે નવીન ડિજિટલ એક્સરે મશીનનું લોકાર્પણ કરીને દર્દીઓની સેવામાં સમર્પિત કર્યું હતું.

₹.13.40 લાખના ખર્ચે વિકસાવેલુ ડિજીટલ એક્સ-રે મશીન ઝડપી નિદાનમાં લાભદાયક નિવડશે. અત્રે ઉલ્લેખનીય છે કે,વિસનગર સબ ડિસ્ટ્રિક્ટ હોસ્પિટલ મહિને અંદાજીત જેટલા એક્સ રે થાય છે.