ઊંઝાના સુગંધિત જીરું અને વરિયાળીને સત્તાવાર 'IG ટેગ' એનાયત

ગુજરાતના કૃષિ અને વ્યાપાર જગત માટે એક અત્યંત ગૌરવશાળી અને ઐતિહાસિક સિદ્ધિ સામે આવી છે. મસાલાના ઉત્પાદન અને વેપાર માટે વિશ્વભરમાં ડંકો વગાડનાર મહેસાણા જિલ્લાના ઊંઝાના પ્રખ્યાત જીરું અને વરિયાળીને કેન્દ્ર તથા રાજ્ય સરકારના સંયુક્ત પ્રયાસોથી પ્રતિષ્ઠિત 'જીઆઈ ટેગ' (Geographical Indication) એનાયત કરવામાં આવ્યો છે. આ ભૌગોલિક ઓળખ મળવાથી વૈશ્વિક બજારમાં ઊંઝાની બ્રાન્ડ વેલ્યુ વધુ મજબૂત બનશે અને સ્થાનિક ખેડૂતોની મહેનતને વૈશ્વિક સ્તરે યોગ્ય કિંમત તથા કાનૂની રક્ષણ પૂરું મળશે.

ગુજરાતના કૃષિ અને વ્યાપાર જગત માટે એક અત્યંત ગૌરવશાળી અને ઐતિહાસિક સિદ્ધિ સામે આવી છે. મસાલાના ઉત્પાદન અને વેપાર માટે વિશ્વભરમાં ડંકો વગાડનાર મહેસાણા જિલ્લાના ઊંઝાના પ્રખ્યાત જીરું અને વરિયાળીને કેન્દ્ર તથા રાજ્ય સરકારના સંયુક્ત પ્રયાસોથી પ્રતિષ્ઠિત 'જીઆઈ ટેગ' (Geographical Indication) એનાયત કરવામાં આવ્યો છે. આ ભૌગોલિક ઓળખ મળવાથી વૈશ્વિક બજારમાં ઊંઝાની બ્રાન્ડ વેલ્યુ વધુ મજબૂત બનશે અને સ્થાનિક ખેડૂતોની મહેનતને વૈશ્વિક સ્તરે યોગ્ય કિંમત તથા કાનૂની રક્ષણ પૂરું મળશે.

એશિયાના સૌથી મોટા કૃષિ બજારની ગૌરવગાથા

એશિયાનું સૌથી મોટું જીરું બજાર ધરાવતું ઊંઝા પોતાની અજોડ સુગંધ અને ગુણવત્તા માટે દેશ-વિદેશમાં પ્રખ્યાત છે. ઉત્તર ગુજરાત ઉપરાંત રાજસ્થાન, કચ્છ અને સૌરાષ્ટ્ર સહિત દેશભરના ખેડૂતો દ્વારા જીરું અને વરિયાળીના વેપારનું આ મુખ્ય કેન્દ્ર છે. હવે આ પાકોને સત્તાવાર ભૌગોલિક ઓળખ (GI Tag) મળવાથી ઊંઝાની કૃષિ વિરાસત અને તેની આગવી ગુણવત્તા વૈશ્વિક સ્તરે સત્તાવાર રીતે અંકિત થઈ ગઈ છે.

વૈશ્વિક નિકાસમાં ગુજરાતનો દબદબો

ભારતમાંથી નિકાસ થતા કુલ મસાલા પાકોમાં એકલા ગુજરાતનો હિસ્સો 80 ટકા જેટલો વિશાળ છે. આ ક્ષેત્રની મજબૂતાઈનો અંદાજ તે વાત પરથી લગાવી શકાય છે કે માત્ર વર્ષ 2024-25 દરમિયાન મહેસાણાથી દુનિયાના 101 દેશોમાં 3,995 કરોડ રૂપિયાના મસાલાની રેકોર્ડબ્રેક નિકાસ કરવામાં આવી હતી. આ નવો જીઆઈ ટેગ વૈશ્વિક બજારમાં ઊંઝાના મસાલાની પ્રતિષ્ઠામાં ચાર ચાંદ લગાવશે, જેનાથી આગામી દિવસોમાં વિદેશી બજારોમાં તેની માંગ અને નિકાસમાં મોટો ઉછાળો જોવા મળશે.

ખેડૂતો માટે કાનૂની સુરક્ષા અને સમૃદ્ધિના નવા દ્વાર

આ આંતરરાષ્ટ્રીય સન્માન માત્ર એક ઓળખ નથી, પરંતુ તે ઊંઝાના સુગંધિત મસાલાની અસલી ગુણવત્તાને કાયદાકીય રક્ષણ પણ પૂરું પાડશે, જેથી કોઈ અન્ય બજાર તેની નકલ ન કરી શકે. આ સિદ્ધિ વૈશ્વિક સ્તરે ગુજરાતના કૃષિ વેપાર, ગુણવત્તા નિયંત્રણ અને 'વેલ્યુ એડિશન'ની અપ્રતિમ ક્ષમતાને સાબિત કરે છે, જે આશરે લાખો ખેડૂતોના જીવનમાં આર્થિક સમૃદ્ધિના નવા દ્વાર ખોલશે.