ગુજરાત સ્ટુડન્ટ સ્ટાર્ટઅપ પોલિસી જાહેર કરનાર દેશનું પ્રથમ રાજ્ય 

ગાંધીનગરમાં વાયબ્રન્ટ ગુજરાત સ્ટાર્ટઅપ એન્ડ ટેકનોલોજી સમિટ-ર૦૧૮નો મુખ્યમંત્રી વિજય રૂપાણીએ પ્રારંભ કરાવ્યો હતો. આ ત્રિદિવસીય સમિટમાં ૪૦ ગ્લોબલ લીડર્સ માર્ગદર્શન આપશે. 

ગુજરાત સ્ટુડન્ટ સ્ટાર્ટઅપ પોલિસી જાહેર કરનારૂં દેશનું પહેલું રાજ્ય છે તેનું ગૌરવ કરતાં મુખ્યમંત્રીશ્રીએ જણાવ્યું હતુ કે રાજ્યની ૬૦ થી વધુ યુનિવર્સિટી, ૧ હજારથી વધારે શૈક્ષણિક સંસ્થાન અને લાખો વિદ્યાર્થીઓને પોલિસીનો લાભ આપવાની દિશામાં સરકાર આગળ વધી રહી છે. 

વધુમાં તેમણે જણાવ્યુ હતુ કે ગુજરાતે ૧૮૪ સ્ટાર્ટઅપને માન્યતા આપી છે અને રાજ્ય સરકાર તરફથી ફંડ આપ્યું છે. જેથી ગુજરાતમાં ર૦ર૧ સુધીમાં બે હજાર નવા સાહસ પ્રમોટ કરવાની-૭ હજાર કરોડના રોકાણો લાવવાની નેમ છે.