ગ્રીન ગુજરાત માટે 11.80 કરોડ રોપાનું વિતરણ, 5.51 કરોડ વૃક્ષ વાવવાનો સરકારનો લક્ષ્યાંક

ગ્લોબલ વોર્મિંગના વધતા જતા ખતરા વચ્ચે ગુજરાત સરકારે પર્યાવરણ સંરક્ષણ માટે કમર કસી છે. વન મહોત્સવ અંતર્ગત રાજ્યના વન વિભાગે પ્રકૃતિના જતન માટે એક ભવ્ય અને વ્યાપક વૃક્ષારોપણ અભિયાનની બ્લૂપ્રિન્ટ તૈયાર કરી છે. આ વર્ષે રાજ્યને હરિયાળું બનાવવાના ઉમદા ઉદ્દેશ્ય સાથે 423 સરકારી નર્સરીઓ દ્વારા 11.80 કરોડથી વધુ રોપાઓનું વિતરણ કરવાનું અને 74,453 હેક્ટર વિસ્તારમાં 5.51 કરોડથી વધુ વૃક્ષો વાવવાનો મહત્વાકાંક્ષી લક્ષ્યાંક નિર્ધારિત કરવામાં આવ્યો છે.

ગ્લોબલ વોર્મિંગના વધતા જતા ખતરા વચ્ચે ગુજરાત સરકારે પર્યાવરણ સંરક્ષણ માટે કમર કસી છે. વન મહોત્સવ અંતર્ગત રાજ્યના વન વિભાગે પ્રકૃતિના જતન માટે એક ભવ્ય અને વ્યાપક વૃક્ષારોપણ અભિયાનની બ્લૂપ્રિન્ટ તૈયાર કરી છે. આ વર્ષે રાજ્યને હરિયાળું બનાવવાના ઉમદા ઉદ્દેશ્ય સાથે 423 સરકારી નર્સરીઓ દ્વારા 11.80 કરોડથી વધુ રોપાઓનું વિતરણ કરવાનું અને 74,453 હેક્ટર વિસ્તારમાં 5.51 કરોડથી વધુ વૃક્ષો વાવવાનો મહત્વાકાંક્ષી લક્ષ્યાંક નિર્ધારિત કરવામાં આવ્યો છે.

જનભાગીદારી દ્વારા પ્રકૃતિનું સંવર્ધન
રાજ્યભરની સરકારી નર્સરીઓમાં અત્યાધુનિક પદ્ધતિથી ઉચ્ચ ગુણવત્તાના છોડ ઉછેરવામાં આવ્યા છે. વન વિભાગે આ અભિયાનને સફળ બનાવવા માટે 'જનભાગીદારી' પર વિશેષ ભાર મૂક્યો છે.

નાગરિકો અને ખેડૂતો માટે તક: સામાન્ય નાગરિકો અને ખેડૂતો બદામ, લીમડો અને લીંબુ જેવી વિવિધ પ્રજાતિના રોપાઓ વ્યાજબી કિંમતે મેળવી શકે છે. 

વ્યાપક પહોંચ: બોડા ડુંગરના રસ્તાઓ, મહેસૂલી વિસ્તારો, નગરપાલિકાઓ અને સ્વૈચ્છિક સંસ્થાઓની જરૂરિયાત મુજબ વન વિભાગ દ્વારા તંદુરસ્ત છોડ ઉપલબ્ધ કરાવવામાં આવ્યા છે.

મુખ્ય પ્રોજેક્ટ્સ અને નવીન પહેલ
મુખ્યમંત્રી શ્રી ભૂપેન્દ્ર પટેલના માર્ગદર્શન હેઠળ પર્યાવરણને મજબૂત બનાવવા માટે અનેક પ્રોજેક્ટ્સ હાથ ધરવામાં આવ્યા છે:

‘એક પેડ મા કે નામ 3.0’: આ અભિયાન હેઠળ અંદાજે 300 સ્થળોએ 440 હેક્ટરમાં ‘વન કવચ’ નામના લઘુ જંગલો વિકસાવવામાં આવશે.

પર્યાવરણીય સુરક્ષા: ‘ગ્રીન વોલ ઓફ અરાવલી’ પ્રોજેક્ટ હેઠળ 6,652 હેક્ટરમાં વૃક્ષારોપણ કરવાનું આયોજન છે.

ઇકોસિસ્ટમનું જતન: કુદરતી ઇકોસિસ્ટમને મજબૂત કરવા માટે 20,100 હેક્ટર વિસ્તારમાં મેન્ગ્રોવ્સ (ચરના વૃક્ષો)નું વાવેતર કરવામાં આવશે. આ વિશાળ અભિયાનનો મુખ્ય ઉદ્દેશ્ય માત્ર વૃક્ષો વાવવાનો નથી, પરંતુ જનભાગીદારીના માધ્યમથી તેને ઉછેરીને ગુજરાતને પર્યાવરણીય રીતે સમૃદ્ધ અને ટકાઉ બનાવવાનો છે.