ટોચના CEOની પ્રધાનમંત્રી મોદી સાથે મુલાકાત: ભારતમાં રોકાણ અને વિસ્તરણની પુષ્ટિ

કોગ્નિઝન્ટના રવિ કુમાર એસ, ઇન્ટેલના લિપ-બૂ ટેન અને માઇક્રોસોફ્ટના સત્યા નડેલાએ મંગળવારે પ્રધાનમંત્રી નરેન્દ્ર મોદી સાથે મુલાકાત કરી.

આ તમામ CEOsએ ભારતમાં રોકાણ વધારવા અને તેમના કાર્યોના વિસ્તરણની ખાતરી આપી, જેના પર પ્રધાનમંત્રી મોદીએ ખુશી વ્યક્ત કરી. પ્રધાનમંત્રી મોદીએ 'X'પર કોગ્નિઝન્ટના CEO રવિ કુમાર એસ અને રાજેશ વોરિયર સાથેની મુલાકાતને 'અદ્ભુત' ગણાવી.ચર્ચાનું કેન્દ્ર AI (આર્ટિફિશિયલ ઇન્ટેલિજન્સ) અને કૌશલ્ય વિકાસ હતું.

 કોગ્નિઝન્ટે પ્રધાનમંત્રીને ખાતરી આપી કે કંપની દેશભરના ઉભરતા શહેરોમાં વિસ્તરણ કરવા અને પ્રતિભા વિકાસ પર ધ્યાન કેન્દ્રિત કરવા પ્રતિબદ્ધ છે.પ્રધાનમંત્રી મોદીએ ઇન્ટેલના CEO લિપ-બૂ ટેન સાથેની મુલાકાત પર આનંદ વ્યક્ત કર્યો અને સેમિકન્ડક્ટર ક્ષેત્ર પ્રત્યેની ઇન્ટેલની પ્રતિબદ્ધતાને આવકારી.પ્રધાનમંત્રીને વિશ્વાસ છે કે ભારતીય યુવાનો ઇન્ટેલ સાથે મળીને ટેકનોલોજી માટે નવીનતા-સંચાલિત ભવિષ્યના નિર્માણમાં ઉત્તમ કાર્ય કરશે.ઇન્ટેલના CEOએ પ્રધાનમંત્રી મોદી દ્વારા વ્યાપક સેમિકન્ડક્ટર ડિઝાઇન અને ઉત્પાદન નીતિના અમલીકરણની પ્રશંસા કરી અને મિશનને ટેકો આપવા પ્રતિબદ્ધતા વ્યક્ત કરી.