તાપી નદીમાં હોડી પલટવાની ઘટનામાં વધુ એક યુવકની લાશ મળી આવી

પરિવારમાં શોકનો માહોલ સર્જાયો

ધુળેટી નિમિત્તે તાપી જિલ્લાના ઉચ્છલ તાલુકાના સુંદરપુરા અને ભીતખુર્ડ ગામના એક જ પરિવારના 13 સબંધીઓ તાપી નદીમાં હોડી લઈને ફરવા ગયા હતા. આ દરમિયાન બપોરના સમયે ભારે પવન ફુંકાતા વણઝારી ફુગારામાં હોડી પલટી જતા 13 લોકો ડૂબી ગયા હતા. જે પેકી 6 લોકોને સ્થાનિક તરવૈયાઓએ બચાવી લીધા હતા. 13 પૈકી 5 વર્ષની એલીશા નામની બાળકી  અને રાજેશ કોકણી નામના ભાઈનો મૃતદેહ મળી આવતા પરિવારમાં શોકનો માહોલ સર્જાયો હતો. જ્યારે અન્ય 5 જેટલા લોકોની શોધખોળ ચાલી રહી છે. ઘટનાની જાણ થતાં ઉચ્ચ પોલીસ અધિકારીઓના કાફલા સહિત , વહીવટી તંત્ર , અને સ્થાનિક ધારાસભ્ય પણ , ઘટના સ્થળે પહોંચી ગયા હતા , અને બચાવની કામગીરી શરૂ કરી છે.