નર્મદા જિલ્લામાં 1962 કરુણા એનિમલ એમ્બ્યુલન્સ સેવા બની અબોલ પશુઓ માટે સારવારનો સહારો

 નર્મદા જિલ્લામાં અબોલ પશુઓની તાત્કાલિક સારવાર માટે 1962 કરુણા એનિમલ એમ્બ્યુલન્સ સેવા અસરકારક બની રહી છે.

એપ્રિલથી જૂન-2026 દરમિયાન આ સેવા હેઠળ 2,641 પશુઓને સારવાર અને જરૂરી તબીબી સેવાઓ આપવામાં આવી હતી.જિલ્લામાં હાલ 19 મોબાઇલ પશુદવાખાના કાર્યરત છે, જે 245 ગામોના પશુઓને આવરી લે છે. આ સેવા હેઠળ પશુપાલકોને ઘેરબેઠાં નિઃશુલ્ક પશુ સારવાર પૂરી પાડવામાં આવે છે.ત્રણ મહિનામાં બાહ્ય પરોપજીવી સંક્રમણના સૌથી વધુ 1,281 કેસ નોંધાયા હતા. આ ઉપરાંત કૃમિ સંક્રમણ, પ્રજનન સંબંધિત સમસ્યા, સર્જિકલ ઘા અને ઝાડા સહિતની વિવિધ આરોગ્ય સમસ્યાઓની પણ સારવાર કરવામાં આવી હતી.પશુ બીમાર, ઇજાગ્રસ્ત કે મુશ્કેલીમાં હોય ત્યારે પશુપાલકો અને નાગરિકો 1962 ટોલ-ફ્રી નંબર પર સંપર્ક કરી કરુણા એનિમલ એમ્બ્યુલન્સ સેવાનો લાભ લઈ શકે છે.