નવસારી નેશનલ હાઇવે પર સર્જાયેલા અકસ્માતમાં 5 યુવાનોના મોત

કાર ચાલકે સ્ટિયરિંગ પર કાબૂ ગુમાવતા કાર ડિવાઇડર પર ચઢી ગઇ હતી અને આઇસર ટેમ્પો અથડાતા ગમખ્વાર અકસ્માત થયો હતો. કારમાં સવાર પાંચેય યુવાનોના ઘટનાસ્થળે જ કમકમાટીભર્યાં મોત થયા હતા.

નવસારીના નેશનલ હાઇવે 48 પર આવેલ ખારેલ ગામ પાસે એક ગમખ્વાર અકસ્માત સર્જાયો હતો જેમાં 5 યુવાનોના મોત થયા હતા. કાર ચાલકે સ્ટિયરિંગ પર કાબૂ ગુમાવતા કાર ડિવાઇડર પર ચઢી ગઇ હતી અને આઇસર ટેમ્પો અથડાતા ગમખ્વાર અકસ્માત થયો હતો. કારમાં સવાર પાંચેય યુવાનોના ઘટનાસ્થળે જ કમકમાટીભર્યાં મોત થયા હતા. અકસ્માત એટલો ભયંકર હતો કે ક્રેઇનની મદદથી મૃતદેહોને બહાર કાઢવામાં આવ્યા હતા. આ પાંચેય યુવાનો રજા માણવા સુરતથી મુંબઇ જઈ રહ્યાં હતા.