નિવૃત્ત કર્મચારીઓ માટે પેન્શનની તમામ પ્રક્રિયાને કેન્દ્ર સરકાર દ્વારા ડિજીટલ કરાઈ

નિવૃત્ત કર્મચારીઓ માટે પેન્શનની તમામ પ્રક્રિયાને કેન્દ્ર સરકાર દ્વારા ડિજીટલ કરી દેવામાં આવી છે અને તેને આધાર કાર્ડ સાથે જોડવામાં આવી છે. ત્યારે આ જ સરળીકરણને આગળ ધપાવવા માટે ડીજીટલ લાઇફ સર્ટીફિકેટ ગામડા અને શહેરોમાં ઘરબેઠાં કાઢી આપવા માટે પ્રોવિડંડ ફંડ કચેરી અમદાવાદ દ્વારા આજે મોબાઇલ વાનને રવાના કરવામાં આવી હતી. આ વાનમાં કોમ્પ્યુટર અને ફિંગર પ્રિન્ટ સ્કેનર તથા આઇ સ્કેનર સાથે ટેક્નોલોજીનો સમાવેશ કરવામાં આવ્યો છે. અને ગણતરીની મિનીટોમાં જ ડીએલસીની પ્રક્રિયા પુરી કરી લેવામાં આવે છે. આ પ્રસંગે પ્રોવિડંડ ફંડ સેન્ટ્રલ કમિશ્નર તેમજ અમદાવાદ રીજનના પીએફ કમિશ્નર ઉપસ્થિત રહ્યાં હતા. આ મોબાઇલ વાન નડિયાદ, મહેસાણા અને ભાવનગર પીએફ કચેરી અંતર્ગત વિસ્તારોમાં ફરશે અને પેન્શનર્સનું જીવન પ્રમાણ મેળવશે.