પ્રધાનમંત્રી આજે વિડિયો કોન્ફરન્સના માધ્યમથી ગુજરાતના લોથલમાં નિર્માણ કાર્યની સમિક્ષા કરશે

પ્રધાનમંત્રી નરેન્દ્ર મોદી આજે વિડિયો કોન્ફરન્સના માધ્યમથી ગુજરાતના લોથલમાં રાષ્ટ્રીય સમુદ્રી વિરાસત પરિસર સ્થળ પર નિર્માણ કાર્યની સમિક્ષા કરશે. પ્રધાનમંત્રી આ અવસરે આયોજીત સમારોહને સંબોધન કરશે. લોથલ હડપ્પા સભ્યતાના મુખ્ય શહેર પૈકીનું એક હતું. આ પરિસર લગભગ 3500 કરોડ રૂપિયાના ખર્ચથી વિકસીત કરવામાં આવી રહ્યું છે. જેનું નિર્માણ આ વર્ષે માર્ચમાં શરૂ થયું હતું. લોથલ માનવનિર્મિત પ્રાચીન અવશેષની શોધ માટે જાણીતું છે. લોથલનું આ પરિસર દેશનું ઐતિહાસીક વિરાસત અને ધરોહર પ્રતિ યોગ્ય શ્રધ્ધાંજલી હશે. આ એક અલગ પ્રકારનો પ્રયોગ હશે. જેમાં ન માત્ર ભારતની સમૃધ્ધી પરંતુ વિવિધ સમુદ્રી વિરાસતને પ્રદર્શિત કરાશે તેમજ લોથલને વિશ્વ સ્તરનું આંતરરાષ્ટ્રીય પ્રવાસી કેન્દ્ર બનાવવામાં મદદ મળશે.