ભાજપા દ્વારા કમલમ ખાતે એક દિવસીય કાર્યશાળાનું કરાયું આયોજન

ભારતીય જનતા પાર્ટી દ્વારા લોકસભા-2019ની પૂર્વ તૈયારીના ભાગ રૂપે પ્રદેશ કાર્યાલય કમલમ્  ગાંધીનગર ખાતે લોકસભાની ચૂંટણીનું આકલન કરવા માટે એક દિવસીય કાર્યશાળાનું આયોજન કરવામાં આવ્યુ હતું.

ભારતીય જનતા પાર્ટી દ્વારા લોકસભા-2019ની પૂર્વ તૈયારીના ભાગ રૂપે પ્રદેશ કાર્યાલય કમલમ્  ગાંધીનગર ખાતે લોકસભાની ચૂંટણીનું આકલન કરવા માટે એક દિવસીય કાર્યશાળાનું આયોજન કરવામાં આવ્યુ હતું. જેમાં લોકસભા ચૂંટણી જીતવા માટે  20 મુદ્દાનો કાર્યક્રમ ઘડવામાં આવ્યો હતો. આ મુદ્દા લઇને  એક વિશેષ ટીમ  રાજ્યની 26 લોકસભા બેઠકો પર જઇને બુથ કાર્યકર્તા પદાધિકારીઓ  અને સ્થાનિક સ્વરાજ્યના પ્રતિનિધીઓને મળીને માર્ગદર્શન આપશે. બેઠક અંગે માહિતી આપતા  આઇકે જાડેજા એ જણાવ્યું હતું કે આ વિશેષ ટીમમાં ચાર થી પાંચ સભ્યો હશે. જેમાં એક યુવા નેતા અને એક મહિલા નેતાનો સમાવેશ કરવામાં આવશે. કમલમ્ ખાતે મળેલી બેઠકમાં મુખ્યમંત્રી વિજય રૂપાણી નાયબ મુખ્યમંત્રી નીતિન પટેલ  પ્રદેશ અધ્યક્ષ જીતું વઘાણી પ્રદેશ પ્રભારી ભૂપેન્દ્ર યાદવ સહિતના નેતાઓએ ટીમને માર્ગદર્શન પુરું પાડ્યુ હતું.