મુખ્યમંત્રી ભૂપેન્દ્ર પટેલે ગાંધીનગર ખાતે નિવાસસ્થાને તિરંગો લહેરાવી પ્રેરણા આપી

મુખ્યમંત્રી ભૂપેન્દ્ર પટેલે ગાંધીનગર ખાતે નિવાસસ્થાને તિરંગો લહેરાવી પ્રેરણા આપી

દેશભરમાં આઝાદીના મહાપર્વની ઉત્સાહભેર ઉજવણી ચાલી રહી છે, ત્યારે ગુજરાતમાં પણ 'હર ઘર તિરંગા' અભિયાન અંતર્ગત દેશભક્તિનો અદ્ભુત માહોલ જોવા મળી રહ્યો છે. ગુજરાતના મુખ્યમંત્રી ભૂપેન્દ્ર પટેલે આજરોજ સવારે ગાંધીનગર સ્થિત પોતાના નિવાસસ્થાનની અગાસી પર રાષ્ટ્રધ્વજ તિરંગો લહેરાવીને આ ભવ્ય અભિયાનમાં ઉત્સાહપેર સહભાગી થયા હતા.

ગૌરવવંતી ઉજવણીની થીમ: 

આ વર્ષે દેશના 80મા સ્વતંત્રતા પર્વ અને ઐતિહાસિક 'વંદે માતરમ્' ગાનના 150 વર્ષની ગૌરવપૂર્ણ ઉજવણીની વિશેષ થીમ પર 'હર ઘર તિરંગા' અભિયાનનું આયોજન કરવામાં આવ્યું છે.

70 લાખથી વધુ ઘરો પર તિરંગો: 

આ અભિયાન હેઠળ સમગ્ર ગુજરાતમાં ઉત્સાહભેર જનજાગૃતિ ફેલાવવામાં આવી રહી છે, જેના ભાગરૂપે રાજ્યભરમાં 70 લાખથી વધુ ઘરો ઉપર તિરંગો લહેરાવવામાં આવશે.

સરહદી વિસ્તારોથી મહાનગરો સુધી તિરંગા યાત્રા: 

ભારત-પાકિસ્તાનની સરહદ પર આવેલા અંતરિયાળ ગામડાઓથી લઈને રાજ્યના મહાનગરો અને તમામ જિલ્લાઓમાં નાગરિકોની વ્યાપક જનભાગીદારી સાથે ભવ્ય 'તિરંગા યાત્રા'ઓનું આયોજન કરવામાં આવી રહ્યું છે.

મુખ્યમંત્રી ભૂપેન્દ્ર પટેલે નાગરિકોને રાષ્ટ્રધ્વજ પ્રત્યે આદર અને દેશભક્તિની ભાવના વ્યક્ત કરતાં પોતાના ઘરો અને પ્રતિષ્ઠાનો પર તિરંગો લહેરાવીને આ રાષ્ટ્રીય અભિયાનને સફળ બનાવવા અનુરોધ કર્યો છે. રાજ્યભરમાં યોજાઈ રહેલા આ આયોજનોથી આખો ગુજરાત રંગેચંગે દેશભક્તિના રંગમાં રંગાઈ ગયો છે.