મોરબીના સિરામિક ઉદ્યોગ માટે આનંદના સમાચાર

ગેસ સપ્લાયની સમસ્યા હવે ખતમ થઈ જશે

મોરબી સિરામિક ઉદ્યોગ માટે એક સારા સમાચાર છે. મોરબીના સિરામિક ઉદ્યોગમાં ગેસ સપ્લાયની સમસ્યા હવે ખતમ થઈ જશે. બે જ દિવસમાં અહીં નિયમીત ધોરણે ગેસ સપ્લાય શરૂ થઈ જશે. જે માટે વિક્રમજનક સમયમાં કામગીરી પૂર્ણ કરવામાં આવી છે. પાંચ કિલોમીટરની ગેસ લાઇનનું કામ માત્ર પંદર દિવસમાં જ પૂર્ણ કરી દેવામાં આવ્યું છે અને હાલ અહીં હાઈડ્રો ટેસ્ટિંગ સહિતની કામગીરીને આખરી ઓપ અપાઇ રહ્યો છે. ત્યારે આ ઝડપી કામગીરી મોરબીના સિરામિક ઉદ્યોગના ઉદ્યોગપતિઓ અને સ્થાનિક ગ્રામજનોના સહિયારા પ્રયાસથી થઈ હતી. આ કામ માત્ર પંદર દિવસમાં જ પૂર્ણ થયું છે. ત્યારે બે દિવસ બાદ સંપૂર્ણ રીતે ગેસ સપ્લાયની કામગીરી શરૂ કરી દેવામાં આવશે