રાજકોટમાં કન્ટેન્મેન્ટ ઝોન વિસ્તારમાં નજર રાખવા JET ની રચના કરાઇ

રાજકોટ શહેર અને જિલ્લામાં દિવસેને દિવસે કોરોનાના કેસોમાં વધારો થઈ રહ્યો છે. ત્યારે કન્ટેન્મેન્ટ ઝોન વિસ્તારમાં રહેલા લોકો પર બાજ નજર રાખી શકાય ,

રાજકોટ શહેર અને જિલ્લામાં દિવસેને દિવસે કોરોનાના કેસોમાં વધારો થઈ રહ્યો છે. ત્યારે કન્ટેન્મેન્ટ ઝોન વિસ્તારમાં રહેલા લોકો પર બાજ નજર રાખી શકાય , તેમજ તેમની સમસ્યાનું નિરાકરણ તાત્કાલિક ધોરણે લાવી શકાય તે માટે , રાજકોટ શહેર પોલીસ તેમજ કોર્પોરેશન તંત્ર દ્વારા Joint enforcement ટીમની રચના કરવામાં આવી છે. જે અંતર્ગત રાજકોટ શહેરના દરેક વોર્ડ વિસ્તારમાં એક-એક P.S.I , પોલીસ જવાનો ,તેમજ તેમની સાથે વોર્ડ ઓફિસરની ટીમ કાર્યરત રહેશે. કન્ટેન્મેન્ટ ઝોન વિસ્તારની બહાર જો કોઈ વ્યક્તિ નીકળશે , તો તેના પર સખ્ત કાર્યવાહી કરવામાં આવશે. રાજકોટ પોલીસ કમિશનર દ્વારા ક્વોરેન્ટાઇ થયેલા લોકો માટે Safe રાજકોટ નામની એપ્લિકેશન બનાવવામાં આવી છે. જેમાં દરેક વ્યક્તિએ 4 કલાકે પોતાનો ફોટો અપલોડ કરવાનો રહેશે. જો કોઈ પણ વ્યક્તિ 4 કલાક થી વધારે સમય બાદ પણ ફોટો અપલોડ નહીં કરે , તો જે-તે સ્થળે જઈ તેમના પર કાર્યવાહી કરાશે.