રાજ્યના વાતાવરણમાં પલટો, ભારે પવન સાથે ઉડી ધૂળની ડમરીઓ

અમદાવાદ સહિત રાજ્યના વાતાવરણાં પલટો આવ્યો છે.

અમદાવાદ સહિત રાજ્યનાં કેટલાક વિસ્તારમાં વાતાવરણમાં અચાનક પલટો થયો છે. અમદાવાદમા ધૂળિયું વાતાવરણ છવાઇ ગયું છે. પવન સાથે અમદાવાદમાં ધૂળની ડમરીઓ ઉડી રહી છે. જોરદાર પવન અને ધૂળની ડમરીઓને કારણે વાતાવરણમાં બદલાવ આવ્યો છે. અમદાવાદમાં ગરમીનો પારો 42ને પાર છે.

અતિશય ગરમીનાં કારણે રસ્તાઓ સૂમસામ જોવા મળ્યા હતા. તો આગામી 24 કલાકમાં આંધી અને વરસાદ આવવાની સંભાવનાં પણ કરવામાં આવી છે. વાતાવરણમાં બદલાવ પાકિસ્તાન અને અફઘાનિસ્તાન પર વેસ્ટર્ન ડિસ્ટર્બન્સની અસરને કારણે જોવા મળ્યો છે. તો રાજસ્થાન અને મધ્યપ્રદેશમાં ચક્રવાતની સ્થિતિ સર્જાઇ છે. વાતરવણમાં આવેલા આ બદલાવની અસર દિલ્હી-NCR સહિત અન્ય રાજ્યોમાં પણ થશે.

સંભાવના છે કે કલાકનાં 80થી 100 કિ.મી.ની ઝડપે પવન ફૂંકાશે. આગામી 3 દિવસ સુધી આ અસર રહેશે.