રાજ્યમાં મુસાફરોની હેરફેર માટે ઉપયોગમાં લેવાતી બસો, ટેક્સી, મેક્સી પર 25 માર્ચ સુધી પ્રતિબંધ
Live TV
-
23-03-2020 | 7:22 pm
Share Now
રાજ્યમાં મુસાફરોની હેરફેર માટે ઉપયોગમાં લેવાતી બસો, ટેક્સી, મેક્સી પર કોરોના સંક્રમણની સંભાવનાને કારણે 25 માર્ચ સુધી જાહેરહિતમાં પ્રતિબંધ મુકાયો છે. જોકે, આ પ્રતિબંધમાં અંગત વપરાશના વાહનો, માલવાહક વાહનો તથા સરકારી ફરજના હેતુ માટે વપરાતા વાહનોનો સમાવેશ થતો નથી. આ ઉપરાંત ગાંધીનગર ખાતે સરકારી કર્મચારીઓને લાવવા લઈ જવા વપરાતી જીએસઆરટીસી સંચાલિત પોઈન્ટની બસોની સેવાનો પણ આ પ્રતિબંધમાં સમાવેશ થતો નથી. આ સેવાઓ નિયમિત રીતે ચાલુ છે. કર્મચારીઓ રોજની જેમ આ બસોનો ઉપયોગ કરી શકે છે.
