રાજ્યમાં યુનિફોર્મ સિવિલ કોડનો પ્રસ્તાવ કેબિનેટની બેઠકમાં કરાયો પાસ

ગુજરાતની કેબિનેટ બેઠકમાં યુનિફોર્મ સિવિલ કોડ અંગે મહત્વનો નિર્ણય લેવામાં આવ્યો છે. ગુજરાત સરકાર યુનિફોર્મ સિવિલ કોડ માટે હાઈકોર્ટના નિવૃત્ત ન્યાયાધિશની અધ્યક્ષતામાં ચાર વ્યક્તિઓની કમિટિની રચના કરશે. કેબિનેટ બેઠકમાં આ નિર્ણય લેવામાં આવ્યા બાદ તમામ સત્તા મુખ્યમંત્રીના હસ્તે કરવામાં આવી છે. આ અંગે કેન્દ્રીય મંત્રી પરષોત્તમ રૂપાલાએ જણાવ્યું હતું કે, રામ મંદિર અને કાશ્મીરના મુદ્દાની જેમ કોમન સિવિલ કોડની સમયાંતરે હંમેશા માગણી કરવામાં આવતી હતી. પ્રધાનમંત્રીના એક ભારત શ્રેષ્ઠ ભારતના ઉદ્દેશ્યને લઈને આ કાયદો લાગું કરવામાં આવશે. રાજ્યમાં યુનિફોર્મ સિવિલ કોર્ડ લાગુ કરવાની તૈયારી અંગે મુખ્યમંત્રીએ પણ ટ્વીટ કર્યું હતું.