લોકસભા ચૂંટણી સમિતિની બેઠકનું આયોજન કરવામાં આવ્યું

ગાંધીનગર ખાતે રાષ્ટ્રીય ઉપાધ્યક્ષ તથા લોકસભા ચૂંટણી પ્રભારી ઓમ માથુર પ્રદેશ અધ્યક્ષ જીતુ વાઘાણી અને મુખ્યમંત્રી વિજય રૂપાણીની અધ્યક્ષતામાં લોકસભા ચૂંટણી સમિતિની બેઠકનું આયોજન કરવામાં આવ્યું હતું. આ બેઠકમાં લોકસભા બેઠકોના નિરીક્ષકો દ્વારા તૈયાર કરવામાં આવેલા કાર્યકરોના સૂચનો તથા અભિપ્રાયો અંગેનો અહેવાલ રજુ કરી ઉમેદવારો માટે ચર્ચા-વિચારણા કરવામાં આવી હતી.પત્રકારો સાથેની વાતચીતમાં ભાજપ પ્રવક્તા ભરત પંડ્યાએ જણાવ્યું હતું કે ચૂંટણી સમિતિની આ બેઠકમાં આયોજનલક્ષી પ્રચારલક્ષી મુદ્દાઓ સહિત 11 લોકસભાના નામોની ચર્ચા થઈ હતી. આ સાથે તેમણે જણાવ્યું હતું કે કાર્યકરોનું સ્પષ્ટ કહેવું છે કે પાર્ટી જેને ટિકિટ આપશે તેને જીતાડીશું.મહત્વનું છે કે મધ્ય ગુજરાતની 11 લોકસભાના નામોની ચર્ચા વિચારણા આજે કરવામાં આવી રહી છે.