વડોદરામાંથી કોરોનામાંથી સાજા થયેલા 45 દર્દીને અપાશે રજા

તમામનો રિપોર્ટ નેગેટિવ આવતા આજે કરાશે ડિસ્ચાર્જ, એકસાથે 45 દર્દીઓને રજા અપાઈ હોવાનો પહેલો બનાવ

વડોદરાનું હોટસ્પોટ બનેલા નાગરવાડાના કોરોના વાયરસના 45 દર્દીઓ ગુરુવારે એક સાથે રજા આપવામાં આવશે. આ તમામને આજવા રોડ ખાતેની ઈબ્રાહિમ બાવની આઇટીઆઇ ખાતેના કોવિડ કેર સેન્ટરમાં આઇસોલેશન હેઠળ રાખવામાં આવ્યા હતા. છેલ્લા બે દિવસથી આ તમામનો ટેસ્ટ દિવસમાં 2 વખત નેગેટિવ આવતો હતો. આથી તેમને હવે રજા આપવાનું નક્કી કરાયું છે. બરોડા મુસ્લિમ ડોકટર્સ એસોસિએશન દ્વારા આ તમામનું કાઉન્સિલિંગ કરાયું હતું. આ ઉપરાંત તેઓ પ્લાઝમાં ડોનર્સ પણ બનશે. અને આગામી દિવસોમાં જો જરૂર પડશે તો તેઓ લોકોની મદદ પણ કરશે. કદાચ ગુજરાતમાં આ પહેલો કિસ્સો છે કે, એક સાથે 45 જેટલા દર્દીઓને રજા અપાઈ હોય.