વલસાડથી દરરોજ પાંચ ટન કેરીની નિકાસ

લંડન, અમેરિકા અને દુબઇ જેવા દેશોમાં પહોંચી રહી છે હાફુસ અને કેસર કેરી

વલસાડ જિલ્લાની પ્રખ્યાત એવી હાફૂસ અને કેસર કેરીએ ગુજરાતની સાથે સમગ્ર ભારતમાં લોકોને ઘેલુ લગાડ્યું છે. તો સાથે-સાથે હવે આંતરરાષ્ટ્રીય કક્ષાએ પણ અનેક લોકોને  તે આકર્ષી રહી છે. હાલમાં જ કેરીઓનું આગમન બજારમાં થયું છે ત્યારે વલસાડના અનેક ખેડૂતો પોતાની આંબાવાડીમાંથી હાફૂસ અને કેસર કેરીઓ ઉતારીને વેપારીઓ સુધી પહોંચાડી રહ્યા છે. વલસાડ ખેતી વાડી ઉત્પન્ન બજાર સમિતિમાંથી સિઝનના પ્રારંભે રોજિંદા 5 ટન જેટલી કેરીઓ લંડન, અમેરિકા તેમજ દુબઈના દેશોમાં મોકલવામાં આવી રહી છે. અને આગામી સમયમાં હજુ પણ કેરીને આવક વધવાનું પણ તેમણે જણાવ્યું હતું..એક અંદાજ પ્રમાણે આ વખતે એક્સપોર્ટનો આંકડો 100 ટનથી વધી જવાની શક્યતા છે..