સ્થાનિક સ્વરાજની ચૂંટણી માટે આજથી રાજ્યમાં ફોર્મ ભરવાની કામગીરી શરુ

સ્થાનિક સ્વરાજની ચૂંટણી માટે આજથી રાજ્યમાં ફોર્મ ભરવાની કામગીરી શરુ

ગુજરાતમાં સ્થાનિક સ્વરાજ્યની ચૂંટણીઓ માટે આજે સત્તાવાર જાહેરનામું પ્રસિદ્ધ કરવામાં આવ્યું છે. આ સાથે જ રાજ્યમાં આદર્શ આચારસંહિતા અમલી બની છે અને રાજકીય ગરમાવો તેજ થયો છે. આજથી જ તમામ બેઠકો માટે ઉમેદવારી પત્રો ભરવાની પ્રક્રિયાનો પ્રારંભ થઈ ચૂક્યો છે.

ચૂંટણીનું આખું શિડ્યુલ

આજથી જ ઉમેદવારો માટે ફોર્મ ભરાવવાની પ્રક્રિયા શરૂ થઈ ગઈ છે, જે 11 એપ્રિલ સુધી ચાલશે. રાજ્યની 15 મહાનગરપાલિકા, 84  નગરપાલિકા, 260 તાલુકા પંચાયત અને 34 જિલ્લા પંચાયતો માટે આ ચૂંટણી યોજાવા જઈ રહી છે. ચૂંટણી પંચના જણાવ્યા અનુસાર, મતદાન 26 એપ્રિલે યોજાશે અને 28 એપ્રિલે પરિણામ જાહેર કરવામાં આવશે.