41 શહેરોમાં ટ્રાફિક નિયમોના ઉલ્લંઘન બદલ વાહન ચાલકોને ઇ-ચલણ ઇસ્યૂ કરવાની કામગીરી શરૂ

રાજ્યના 41 શહેરોમા ટ્રાફિક નિયમોના ઉલ્લંઘન બદલ વાહન ચાલકોને ઇ-ચલણ ઇસ્યૂ કરવાની કામગીરી શરૂ કરવામાં આવી છે. રાજ્યમાં માર્ગ સુરક્ષા વધુ સઘન બનાવવામાં આવી છે. દરેક જિલ્લાઓમાં વિશ્વાસ પ્રોજેક્ટ હેઠળ સાત હજારથી વધુ સીસીટીવી કેમેરા કાર્યરત કરવામાં આવ્યા છે. આ નેટવર્કને સંબંધિત જિલ્લાના નૈત્રમ સાથે પોઇન્ટ ટૂ પોઇન્ટ ફ્રાઇબર કનેક્ટીવીટીથી જોડવામાં આવ્યું છે. પોલીસ વિભાગની યાદીમાં જણાવ્યા અનુસાર વાહન ચાલકો આ ઇચલણની રકમ ઓનલાઇન પોર્ટલ http//echallanpayment.gov.in  ઉપર ક્રેડિટ કે ડેબિટ કાર્ડ, નેટ બેન્કિંગ દ્વારા ભરી શકશે. આ ઉપરાંત વાહન ચાલકો પોતાના જિલ્લાના નિયત કરેલ પોલીસ સ્ટેશન ખાતે રોકડમાં પણ ઇચલણની રકમ ભરી શકશે.