અમેરિકાએ નિભાવી મિત્રતા, ભારતને કોરોના સામેની જંગ માટે વેન્ટિલેટરની કરશે મદદ

અમેરિકા કોરોના વાયરસ વેક્સિન તૈયાર કરવા ભારત સાથે મળીને કામ કરી રહ્યું છે. અમેરિકામાં વસી રહેલા ભારતીયોને શાનદાર વિજ્ઞાનીઓએ તરીકે બિરદાવતા અમેરિકી પ્રમુખ ડોનાલ્ડ ટ્રમ્પે આ વાત કરી હતી. 

અમેરિકી પ્રમુખે જણાવ્યું કે તે કહેતાં હું ગર્વ અનુભવું છું કે અમેરિકા પોતાના મિત્ર ભારતને વેન્ટિલેટર ઉપલબ્ધ કરાવશે. તેમણે કહ્યું કે મહામારીના આ સમયમાં અમે ભારત અને વડાપ્રધાન મોદીની સાથે ઉભા છીએ.

ભારત સાથે મળીને વેક્સિન વિકસાવવા પણ અમેરિકા સહયોગ આપી રહ્યું છે. ભારત અને અમેરિકા મળીને આ ના દેખી શકાતા શત્રુને હરાવી દઇશું. તેમણે એમ પણ કહ્યું કે આ વર્ષના અંત સુધીમાં કોવિડ-19ની વેક્સિન વિકસી જશે તેવી સંભાવના છે.