આંતરરાષ્ટ્રીય કોર્ટમાં યુક્રેનની જીત થઈ, કોર્ટે રશિયાને યુદ્ધ બંધ કરવા આદેશ આપ્યો

આંતરરાષ્ટ્રીય કોર્ટમાં યુક્રેને રશિયા સામે કરેલો કેસ જીતી લીદો છે. રશિયાએ યુક્રેન પર હુમલો કર્યા બાદ ન્યાય માટે યુક્રેને નેધરલેન્ડના હેગ ખાતેની ઈન્ટરનેશનલ કોર્ટ ઓફ જસ્ટિસ (ICJ)માં કેસ કર્યો હતો. યુક્રેને કેસ જીતતાં ICJએ રશિયાને યુક્રેનમાં સૈન્ય કાર્યવાહી તાત્કાલિક બંધ કરવાનો આદેશ આપ્યો છે. આ આદેશ આંતરરાષ્ટ્રીય કાયદા હેઠળ બંધનકર્તા છે. 

કોર્ટે રશિયન ફેડરેશનને 24 ફેબ્રુઆરી, 2022 ના રોજ યુક્રેનના પ્રદેશ પર શરૂ કરવામાં આવેલી લશ્કરી કાર્યવાહીને તાત્કાલિક સ્થગિત કરવા જણાવ્યું હતું. કોર્ટે 13-2 મતનો આદેશ આપ્યો હતો. કોર્ટના આદેશ અનુસાર, રશિયન ફેડરેશન હવે આગળ કોઈ સૈન્ય કાર્યવાહી માટે ના કરે. કોર્ટે સર્વસંમતિથી આદેશ આપ્યો હતો કે બંને પક્ષોએ વિવાદને વધારી શકે તેવા કોઈપણ કાર્યથી દૂર રહેવું જોઈએ. યુક્રેનના રાષ્ટ્રપતિ ઝેલેન્સકીએ ICJના આદેશ બાદ કહ્યું કે, યુક્રેન રશિયા સામે પોતાનો કેસ જીતી ગયું છે. ICJએ રશિયાને તાત્કાલિક હુમલા રોકવાનો આદેશ આપ્યો હતો. આ આદેશ આંતરરાષ્ટ્રીય કાયદા હેઠળ બંધનકર્તા છે. રશિયાએ તરત જ તેનું પાલન કરવું જોઈએ. ઓર્ડરનો અનાદર કરવાથી રશિયા વધુ અલગ થઈ જશે.