આંતરરાષ્ટ્રીય પરિવાર દિવસ: જાણો કેમ કરવામાં આવે છે ઉજવણી અને ક્યારે થઇ હતી શરૂઆત

પરિવાર વગરના માનવીની કલ્પના કરવી અધુરી છે. હાલ દુનિયામાં જે સ્થિતિ છે તેવા સમયે પરિવારનું મહત્વ ખૂબ વધી જાય છે. માટે જ 15 મેને વિશ્વ પરિવાર દિવસ તરીકે ઉજવવામાં આવે છે. 

ઉલ્લેખનીય છે કે, આજના આધુનિક સમયગાળામાં પરિવારનું વિઘટન થવાની ઘટના છાશવારે બને છે ત્યારે આવી ઘટનાઓ ન બને તે માટે ખાસ આ દિવસ મનાવવામાં આવે છે. પરિવારની વચ્ચે રહેવાથી માનવી તણાવમુક્ત અને પ્રસન્નચિત્ત રહે છે. સાથે જ એકલતાપણું તથા ડિપ્રેશનનો શિકાર બનતા પણ અટકે છે. 

આપને જણાવી દઇએ કે, 1993માં સંયુક્ત રાષ્ટ3 જનરલ એસેમ્બલીએ આંતરરાષ્ટ્રીય પરિવાર દિવસની ઉજવણી કરવાની શરૂઆત કરી હતી. દર વર્ષે જુદી-જુદી થીમ પર આધારિત આંતરરાષ્ટ્રીય પરિવાર દિવસની ઉજવણી કરવામાં આવે છે ત્યારે આ વખતે 2020ની થીમ પરિવાર અને જળવાયુ સંબંધ રાખવામાં આવી છે.