ઉદ્યોગ મંત્રી પીયૂષ ગોયલે ટોક્યોમાં વૈશ્વિક ફાઇનાન્સિયલ દિગ્ગજો સાથે મહત્વની બેઠકો કરી

કેન્દ્રીય વાણિજ્ય અને ઉદ્યોગ મંત્રી પીયૂષ ગોયલે તેમની 4 દિવસીય જાપાન યાત્રાના ત્રીજા દિવસે ટોક્યો ખાતે જાપાનના વૈશ્વિક સ્તરના ઉદ્યોગપતિઓ અને ફાઇનાન્સિયલ ક્ષેત્રની પ્રમુખ સંસ્થાઓના વડાઓ સાથે શ્રેણીબદ્ધ ઉચ્ચ સ્તરીય બેઠકો યોજી હતી. 200 થી વધુ ભારતીય ઉદ્યોગપતિઓના પ્રતિનિધિ મંડળ સાથે જાપાન પહોંચેલા કેન્દ્રીય મંત્રીએ ભારતને વૈશ્વિક ઉત્પાદન અને નિકાસનું મુખ્ય કેન્દ્ર (Global Export Hub) બનાવવા માટે જાપાની રોકાણકારોને ભારતમાં મૂડીરોકાણ કરવા આમંત્રણ આપ્યું હતું.

કેન્દ્રીય વાણિજ્ય અને ઉદ્યોગ મંત્રી પીયૂષ ગોયલે તેમની 4 દિવસીય જાપાન યાત્રાના ત્રીજા દિવસે ટોક્યો ખાતે જાપાનના વૈશ્વિક સ્તરના ઉદ્યોગપતિઓ અને ફાઇનાન્સિયલ ક્ષેત્રની પ્રમુખ સંસ્થાઓના વડાઓ સાથે શ્રેણીબદ્ધ ઉચ્ચ સ્તરીય બેઠકો યોજી હતી. 200 થી વધુ ભારતીય ઉદ્યોગપતિઓના પ્રતિનિધિ મંડળ સાથે જાપાન પહોંચેલા કેન્દ્રીય મંત્રીએ ભારતને વૈશ્વિક ઉત્પાદન અને નિકાસનું મુખ્ય કેન્દ્ર (Global Export Hub) બનાવવા માટે જાપાની રોકાણકારોને ભારતમાં મૂડીરોકાણ કરવા આમંત્રણ આપ્યું હતું.

જાપાની દિગ્ગજ કંપનીઓ સાથે યોજાયેલી મહત્વપૂર્ણ બેઠકો:

• ટોયોટા ત્સુશો કોર્પોરેશન (Toyota Tsusho Corporation): કંપનીના પ્રમુખ અને CEO તોશિમિત્સુ ઇમાઇ સાથેની બેઠકમાં વેપાર, મોબીલિટી અને ઔદ્યોગિક ક્ષેત્રે ભાગીદારી ગાઢ બનાવવા ચર્ચા થઈ. ભારતના ખર્ચ-સ્પર્ધાત્મક માળખાનો (Cost Competitiveness) ઉપયોગ કરીને ઉભરતા બજારો માટે ભારતને ગ્લોબલ એક્સપોર્ટ હબ બનાવવા ખાસ ભાર મુકાયો હતો.

• SMBC ગ્રુપ (Sumitomo Mitsui Banking Corporation): ડેપ્યુટી પ્રેસિડેન્ટ એક્ઝિક્યુટિવ ઓફિસર યોશિહિરો હ્યાકુતોમે સાથે બેંકિંગ અને નાણાકીય ક્ષેત્રે ભારત-જાપાન વચ્ચે દ્વિપક્ષીય રોકાણ વધારવા પર વિચાર-વિમર્શ કરાયો.

• MUFG (Mitsubishi UFJ Financial Group): ડેપ્યુટી ચેરમેન યાશુશી ઇતાગાકી સાથેની બેઠકમાં ભારતના બેંકિંગ, કમર્શિયલ ફાઇનાન્સ અને ઇન્વેસ્ટમેન્ટ ઇકોસિસ્ટમમાં જાપાની મૂડીના પ્રવેશને સરળ બનાવવા ચર્ચા થઈ.

• નિપ્પોન લાઇફ ઇન્સ્યોરન્સ (Nippon Life Insurance): ગ્લોબલ બિઝનેસ હેડ મિનોરુ કિમુરા સાથે ભારતના ઝડપથી વિકસતા વીમા બજારમાં નવી ભાગીદારી અને નાણાકીય સેવાઓના વિસ્તાર અંગે ફળદાયી વાટાઘાટો થઈ.

ભારતની સ્ટાર્ટઅપ શક્તિ અને યુવાનોનું આહ્વાન:

ટોક્યો ખાતે આયોજિત સ્ટાર્ટઅપ રાઉન્ડટેબલ કોન્ફરન્સને સંબોધતા મંત્રી પીયૂષ ગોયલે જણાવ્યું હતું કે, ભારત વિશ્વનું ત્રીજું સૌથી મોટું સ્ટાર્ટઅપ ઇકોસિસ્ટમ ધરાવે છે. છેલ્લા 10 વર્ષમાં દેશમાં સ્ટાર્ટઅપ્સની સંખ્યા 500 થી વધીને આશરે 2.5 લાખ પહોંચી ગઈ છે. આજના ભારતીય યુવાનો હવે નોકરી શોધનારા નથી પરંતુ 'જૉબ ક્રિએટર્સ' અને નવીન વિચારસરણી ધરાવતા ઇનોવેટર્સ બન્યા છે, જે જાપાની ટેક કંપનીઓ માટે સહયોગ કરવાની ઉત્તમ તક પૂરી પાડે છે.