કોરોના મહામારીએ સૌથી વધુ અમેરિકાને પ્રભાવિત કર્યુ 

કોરોના મહામારીએ દુનિયામાં સૌથી વધુ પ્રભાવિત અમેરિકાને કર્યુ છે જ્યાં અત્યાર સુધી બે કરોડથી વધુ લોકો સંક્રમિત થયા છે. 

દુનિયાભરમાં કોરોના વાયરસથી સંક્રમીત લોકોની સંખ્યાં 8 કરોડ 67 લાખથી પાર થઇ છે. આ સાથે આ બિમારીથી મરનારની સંખ્યાં 18 લાખ 73 હજાર થઇ છે. જોકે 6 કરોડ 14 લાખ લોકો આ બિમારીને હરાવીને સાજા થયા છે. આ મહામારીમાં સૌથી વધુ પ્રભાવિત અમેરિકા થયું છે. જ્યાં અત્યાર સુધીમાં બે કરોડથી વધુ લોકો સંક્રમીત થયા છે અને 3 લાખ 65 હજાર લોકોના મોત થયા છે. 

બીજા ક્રમે બ્રાજિલ

ત્યારે આ મહામારીથી પ્રભાવ થતા બીજા ક્રમે બ્રાજિલ છે. જ્યાં એક લાખ 97 હજારથી વધુ લોકોના મોત થયા છે. જર્મનીમાં કોરોનાના ઝડપથી વધી રહેલા સંક્રમણના પગલે આ મહિનાના અંત સુધી લોકડાઉન જાહેર કરીને કેટલાક વધુ કડક પ્રતિબંધો જાહેર કરાયા છે.