કોરોના વાયરસ પર G7 દેશોના આરોગ્ય મંત્રીઓની બેઠક

સાત અગ્રણી ઔદ્યોગિક લોકશાહી જૂથ, જી-સેવન એ WHO, EU અને ચીન સાથે મળીને ઝડપથી ફેલાતા કોરોના વાયરસને પહોંચી વળવા માટે એકીકૃત પ્રક્રિયાની માંગ માટે સંમત થયા છે.

સમગ્ર વિશ્વમાં કોરોના વાયરસનો હાહાકાર મચ્યો છે ત્યારે હોંગકોંગમાં આજે કોરોના વાયરસને કારણે 39 વર્ષના પુરુષનું મોત નીપજ્યું છે.. જે ચીનના વુહાનથી જાન્યુઆરીમા હોંગકોંગ પરત ફર્યા હતા.. ચીનથી બહાર મોત થવાનો આ બીજો કેસ સામે આવ્યો છે.. આ પહેલા ફિલિપાઈન્સમાં એક વ્યક્તિનું કોરોના વાયરસને કારણે મોત થયું હતું.. હાલ કોરોના વાયરસને કારણે મોતનો આંકડો 426 એ પહોંચ્યો છે..અને 20 હજારથી વધુ કેસની પુષ્ટી થઈ છે.. આ વાયરસનો સૌથી પહેલો કેસ ડિસેમ્બરમાં હુબેઈ પ્રાંતની રાજધાની વુહાનમાં નજરે ચઢ્યો હતો.. ત્યાર બાદ વિશ્વના અનેક દેશોમાં આ કોરોનો વાયરસના કેસ જોવા મળ્યા છે જેમા ભારતમાં પણ 3 કેસ કેરળમાં નોંધાયા છે..

કોરોના વાયરસને અટકાવવા ચીન દરેક પ્રકારે પ્રયાસ કરી રહ્યું છે. ચીને કોરોના વાયરસથી અત્યાર સુધીમાં 426 લોકોના મૃત્યુની પુષ્ટી કરી છે. અત્યાર સુધીમાં 20,438 કેસ નોંધાયા છે. આ ઉપરાંત 3214 શંકાસ્પદ કેસની તપાસ થઈ રહી છે અને કુલ એક લાખ 71 હજાર 29 લોકો ઉપર નજર રાખવામાં આવી રહી છે.

જી-સેવન દેશોના આરોગ્ય મંત્રીઓએ કોરોના વાયરસના પ્રકોપનો સાથે મળીને સામનો કરવા પરસ્પર કોશિશમાં સમન્વય માટે સંમતિ વ્યક્ત કરી છે. જર્મનીના આરોગ્ય મંત્રીએ કહ્યું કે, જી-સેવને, પ્રવાસ વિનિમયને લઈને પરસ્પર સહયોગ કરવા અને વાયરસ ઉપર સંશોધન કરવાની સંમત્તિ વ્યક્ત કરી છે. તેમણે કહ્યું કે, આ વાયરસની કોઈ સીમા નથી કે તે કોઈ દેશ સુધી સિમિત નથી. જી-સેવન WHO અને યુરોપીય સંઘ અને ચીન પરસ્પર સહયોગ કરશે. આ સંબંધમાં જર્મનીના આરોગ્યમંત્રી આજે બ્રિટન અને ફ્રાન્સના આરોગ્ય મંત્રીને મળશે. WHOએ કોરોના વાયરસને વૈશ્વિક કટોકટી જાહેર કર્યો છે. WHOના પ્રમુખે કહ્યું કે, કોરોના વાયરસના પ્રકોપને રોકવાની કોશીશ હેઠળ આંતરરાષ્ટ્રીય પરિવહન અને વેપારમાં બિનજરૂરી હસ્તક્ષેપની જરૂર નથી. 

જર્મનનાં આરોગ્ય પ્રધાન જેન્સ સ્પાને કહ્યું, તેઓ સંમત થયા કે, આ વાયરસ દ્વારા સર્જાયેલા વૈશ્વિક જોખમો સામે અલગ અભિગમો રાખીને સફળ થવાની સંભાવના ઓછી છે. મંગળવારે જર્મની, બ્રિટન અને ફ્રાન્સના આરોગ્ય પ્રધાનોની મળવાની સંભાવના છે. તેઓ મુસાફરીના નિયમો અને સાવચેતી તેમજ વાયરસના સંશોધન પર તેમના અભિગમને સંકલન કરે તેવી સંભાવના છે.

કોરોના વાયરસને લીધે અત્યાર સુધીમાં ચીનની મુખ્ય ભૂમિ પર લગભગ 20,500 લોકો અને ચીનની મુખ્ય ભૂમિની બહાર ઓછામાં ઓછા 192 લોકોને ચેપ લાગ્યો છે. ચીનમાં કોરોના વાયરસને લીધે અત્યાર સુધીમાં 425 લોકોના મોત અને હોંગકોંગમાં 1 વ્યકિતનું મોત નોંધાયું છે. 632 વ્યકિતઓને અત્યાર સુધી હોસ્પિટલમાંથી રજા આપવામાં આવી છે. મધ્ય ચીનના હુબેઇ પ્રાંતમાં નવી બનાવવામાં આવેલી 1000 બેડની હોસ્પિટલ, કોરોનાવાયરસ ફાટી નીકળવાનું કેન્દ્ર, જેમાં ગઈકાલથી દર્દીઓને સારવાર માટે લેવાનું શરૂ થયું છે અને તેનું સંચાલન ચીનની આર્મીની તબીબી ટીમ દ્વારા કરવામાં આવી રહ્યું છે. આનાથી વુહાનની હાલની હોસ્પિટલો પર દબાણ ઓછું થવાની અપેક્ષા છે. વુહાન સરકારે કહ્યું છે , કે તે આશ્રય હોસ્પિટલોમાં નોવલ કોરોના વાયરસથી થતાં હળવા ન્યુમોનિયાના દર્દીઓની સારવાર કરશે.

યુ.એસ. અને ચીન વચ્ચે વધતા વૈશ્વિક પ્રયાસો અને નિવેદનો વચ્ચે, ચીને યુ.એસ. નિષ્ણાતોની ડબ્લ્યુએચઓ (WHO) ના અભ્યાસના ભાગ રૂપે અને હ્યુબેઈની પ્રાંતિક રાજધાની વુહાનમાં સામેલ થયેલા વાયરસ સામે લડવાની મદદની ઓફર સ્વીકારી છે. વર્લ્ડ હેલ્થ ઓર્ગેનાઇઝેશનના વડાએ ગઈકાલે કહ્યું હતું કે, કોરોના વાયરસના પ્રસારને રોકવા માટે "આંતરરાષ્ટ્રીય મુસાફરી અને વેપારમાં દખલ" કરે તેવા પગલાં અમલમાં મૂકવું "અનિવાર્ય" હતું. તેમણે વધુમાં જણાવ્યું કે ,કોરોના વાયરસની આસપાસની અસ્પષ્ટ માહિતી સામે લડવા માટે ડબ્લ્યુએચઓ એ સર્ચ એન્જિન ગૂગલ સાથે કામ કરી રહ્યું છે. તેમણે જણાવ્યું કે, વૈશ્વિક સ્તરે ફાટી નીકળેલા કોરોના વાયરસનો સામનો કરવા માટે નવી અને વધુ સારી સિસ્ટમની આવશ્યકતા છે.