ક્રિસમસ નિમિત્તે ચર્ચમાં યોજાઈ વિશેષ પ્રાર્થના સભા

રાષ્ટ્રપતિ રામનાથ કોવિંદ અને ઉપરાષ્ટ્રપતિ એમ.વૈકેંયા નાયડુ અને પ્રધાનમંત્રી નરેન્દ્ર મોદીએ દેશવાસીઓને પાઠવી શુભેચ્છા

દુનિયાભરમાં ક્રિસમસની ધૂમ મચી છે. ચર્ચમાં વિશેષ પ્રાર્થના સભા યોજાઈ રહી છે. આ તહેવારો નિમિત્તે બજારો અને ઘરોમાં ખાસ સજાવટ કરવામાં આવી છે. ભારતમાં પણ ચર્ચ અને બજારને શણગારવામાં આવ્યા છે. રાષ્ટ્રપતિ રામનાથ કોવિંદ અને ઉપરાષ્ટ્રપતિ એમ.વૈકેંયા નાયડુ અને પ્રધાનમંત્રી નરેન્દ્ર મોદીએ આ પ્રસંગે દેશવાસીઓને શુભેચ્છા પાઠવી છે. પોતાના સંદેશમાં રાષ્ટ્રપતિએ કહ્યું કે ઈશા મસીહ શાંતિ, સદભાવ અને આશાનું પ્રતિક છે અને ક્રિસમસ માનવીય મૂલ્યોનો ઉત્સવ છે. તો આ તરફ ઈટલીના વેટીકનમાં વિશેષ પ્રાર્થના સભા આયોજિત કરાઈ હતી. આ અવસરે સંદેશમાં પોપ ફ્રાન્સીસે અમીર અને ગરીબો વચ્ચેનો ભેદ ખત્મ કરવા આહવાન કર્યું હતું.