બાંગ્લાદેશમાં સતત વધતાં મૃત્યુઆંક વચ્ચે દુકાનો, કચેરીઓ ખોલવામાં આવી, જ્યારે 60% ભાવ વધારા સાથે બસ સેવા શરૂ 

છેલ્લા 24 કલાકમાં દેશમાં 40 લોકોનાં મોત નીપજ્યાં છે અને કોરોના ચેપનાં 2545 તાજા કેસ નોંધાયા છે

દેશમાં લોકડાઉનમાં છૂટછાટ આપ્યા બાદ રવિવારે બાંગ્લાદેશમાં એક જ દિવસમાં સૌથી વધુ મૃત્યુ અને નવા ચેપ નોંધાયા છે.બાંગ્લાદેશના ડિરેક્ટોરેટ જનરલ ઓફ હેલ્થ સર્વિસીસ (ડીજીએચએસ) અનુસાર શનિવારથી છેલ્લા 24 કલાકમાં દેશમાં 40 લોકોનાં મોત નીપજ્યાં છે અને કોરોના ચેપનાં 2545 તાજા કેસ નોંધાયા છે

આ સાથે દેશમાં મૃત્યુઆંક 650 પર પહોંચી ગયો છે અને ચેપનો કુલ આંક 47153 રહ્યો છે. રિકવર થયેલા લોકોની સંખ્યા પણ 9781 પર પહોંચી ગઈ છે, જ્યારે શનિવાર 406 લોકો રિકવર  થયા છે. તે જ સમયગાળા દરમિયાન કોરોનાના 11,876 નમૂનાઓનું પરીક્ષણ કરવામાં આવ્યું.

તે દરમિયાન, 30 મેએ સરકારે ‘સામાન્ય રજાઓ’ સમાપ્ત કરવાની જાહેરાત કર્યા પછી બાંગ્લાદેશમાં દુકાનો અને ઓફિસો ખુલવામાં આવી. લોન્ચ અને ફેરીની ટ્રેનો અને જળમાર્ગ સેવાઓ પણ મર્યાદિત ધોરણે ફરીથી શરૂ કરવામાં આવી છે. કુલ આઠ ઇન્ટરસિટી ટ્રેનો રવિવારથી શરૂ થઈ છે અને 11 વધુ બુધવારથી શરૂ થશે. સરકારે ટ્રેનની ટિકિટની બૂકિંગ ક્ષમતા 50 ટકા કરી દીધી છે જે ફક્ત ઓનલાઇન બુક કરાવી શકાય છે.

સોમવારથી જાહેર પરિવહન બસો કામગીરી શરૂ કરશે. સરકારે બસોમાં પ્રતિબંધોને ધ્યાનમાં રાખીને બસ ભાડામાં 60 ટકા હંગામી વધારો કરવાની જાહેરાત કરી છે. રવિવારે જારી કરાયેલા એક પરિપત્રમાં સરકારે સૂચના આપી છે કે બસોમાં બે મુસાફરોની વચ્ચે એક બેઠક ખાલી રાખવી જ જોઇએ. તેમાં કહેવામાં આવ્યું છે કે એકવાર કોરોના રોગચાળો કટોકટી સમાપ્ત થઈ જાય પછી જૂના દરો લાગુ થશે