મધ્યપૂર્વના દેશોમાં કોરોનાનો કહેર યથાવત

સંયુક્ત અરબ અમીરાતમાં કોરોના વાયરસના 15 નવા કેસ જોવા મળ્યા, જ્યારે સાઉદી અરેબીયાએ વિદેશી નાગરિકો ઉપર મૂક્યો પ્રતિબંધ 

સંયુક્ત આરબ અમીરાત-યુએઈના આરોગ્ય મંત્રાલયે અહેવાલ આપ્યો છે કે કોરોના વાયરસના 15 નવા કેસો મળી આવ્યા છે. આ પછી દેશમાં આ વાયરસના કુલ 45 કેસ નોંધાયા છે. મંત્રાલય મુજબ, કોરોના અસરગ્રસ્ત લોકોમાં થાઇલેન્ડ, મોરોક્કો, ચીન, ભારત, સાઉદી અરેબિયા, ઈરાન અને ઇથોપિયાના નાગરિકોનો સમાવેશ થાય છે. આ ઉપરાંત, યુએઈના ત્રણ લોકોમાં વાયરસની પુષ્ટિ થઈ છે. દરમિયાન, ચીનના ચેપગ્રસ્ત બે દર્દીઓને હોસ્પિટલમાંથી રજા આપવામાં આવી છે.

સાઉદી અરેબીયાએ આજે ​​કોરોના વાયરસને રોકવા માટેના સાવચેતી પગલા તરીકે સંયુક્ત અરબ અમીરાત, કુવૈત અને બહેરિનથી આવતા નાગરિકો પર અસ્થાયી પ્રતિબંધ જાહેર કર્યો છે. સાઉદી પ્રેસ એજન્સી અનુસાર, આ દેશોના નાગરિકોને માત્ર રિયાધના કિંગ ખાલીદ આંતરરાષ્ટ્રીય વિમાનમથક, જદ્દાના કિંગ અબ્દુલ અઝીઝ આંતરરાષ્ટ્રીય વિમાનમથક, દમ્મામમાં કિંગ ફહદ આંતરરાષ્ટ્રીય વિમાનમથક દ્વારા પ્રવેશ આપવામાં આવશે.

રસ્તાઓ દ્વારા સાઉદી અરેબિયા અને આ ત્રણેય દેશો વચ્ચેના રસ્તાઓની અવરજવર ફક્ત વ્યાપારી ટ્રક્સ દ્વારા કરવામાં આવશે. સત્તાવાર સૂત્રોએ જણાવ્યું હતું કે આ નિર્ણય કોરોના વાયરસના ફેલાવાને રોકવા અને નાગરિકોના સ્વાસ્થ્યને સુરક્ષિત રાખવા માટે લેવામાં આવ્યો છે.