યુએસ સુપ્રીમ કોર્ટે શરણ ઇચ્છનારાને મેક્સિકો પાછા મોકલવાની વ્યવસ્થાને સમર્થન આપ્યું 

યુએસ સુપ્રીમ કોર્ટે એ  નીતિ જાળવવાની મંજૂરી આપી છે જેમાં આશ્રય ઇચ્છનારાઓને મેક્સિકો પાછા પરત કરવાની જોગવાઈ છે. આ ચુકાદાને  વ્હાઇટ હાઉસનો વિજય માનવામાં આવે છે.

ડિસેમ્બર 2018 માં, જ્યાં સુધી આશ્રયની માંગ કરતા મેક્સિકન લોકોના કિસ્સામાં અંતિમ નિર્ણય ના લેવામાં આવે ત્યાં સુધી ટ્રમ્પ વહીવટીતંત્રે મેક્સિકોમાં રહેવાની નીતિ લાગુ કરી હતી. આ નીતિથી આ મધ્ય અમેરિકન દેશના લાખો શરણાર્થીઓને તેમના કેસોની વિચારણા ન થાય ત્યાં સુધી મેક્સિકોમાં રહેવાની ફરજ પડી છે. આશ્રય મેળવનારા મોટાભાગના લોકો ગરીબી અને દમનને કારણે મેક્સિકો છોડવા માગે છે. ફેડરલ અપીલ કોર્ટે ગયા મહિને આ નીતિને ગેરકાયદેસર કહી હતી પરંતુ તેને જાળવવાની મંજૂરી આપી હતી કારણ કે ટ્રમ્પ વહીવટી તંત્રે સુપ્રીમ કોર્ટમાં અપીલ કરી હતી. સુપ્રીમ કોર્ટે આ મુદ્દે સંપૂર્ણ વિચારણા ન થાય ત્યાં સુધી નીચલી અદાલતના આદેશ પર સ્ટે આપ્યો હતો.

સોલિસિટર જનરલ નોએલ ફ્રાન્સિસ્કોએ કહ્યું કે જો મેક્સિકોમાં રહેવાની નીતિ નાબૂદ કરવામાં આવે તો મેક્સિકોના લગભગ 25 હજાર નાગરિકો તાત્કાલિક યુએસમાં આવી શકશે. તેમણે વધુમાં કહ્યું કે આટલી મોટી સંખ્યામાં બહારના લોકોના આગમનથી યુ.એસ. પર અસાધારણ બોજો પડે છે અને મેક્સિકો સરકાર સાથે અમેરિકાના રાજદ્વારી સંબંધોને પણ નુકસાન પહોંચશે.