લાહોરથી કરાંચી જઇ રહેલ પાકિસ્તાન એરવેઝનું વિમાન, કરાંચીના રહેણાંક વિસ્તારમાં દુર્ઘટનાગ્રસ્ત બન્યું

પાકિસ્તાનના કરાંચીમાં વિમાન દુર્ઘટનામાં મુસાફરી કરી રહેલાં તમામના મોતની આશંકા.પાકિસ્તાન એરવેઝનું વિમાન લાહોરથી જઇ રહ્યું હતું કરાંચી.રહેણાંક વિસ્તારમાં વિમાન દુર્ઘટનાગ્રસ્ત બનતાં અનેક મકાનો આગની ઝપટમાં - પ્રધાનમંત્રી મોદીએ ટિવટ કરી વ્યક્ત કર્યું દુઃખ.

પાકિસ્તાનમાં વિમાની દુર્ઘટનામાં , 98 મુસાફરોના મોત થયાં હોવાની આશંકા સેવાઇ રહી છે. લાહોરથી કરાંચી જઇ રહેલ પાકિસ્તાન એરવેઝનું વિમાન , કરાંચીના રહેણાંક વિસ્તારમાં દુર્ઘટનાગ્રસ્ત બન્યું હતું. વિમાનમાં સવાર તમામ લોકોના મોત થયા હોવાની , આશંકા સેવાઇ રહી છે.રહેણાંક વિસ્તારોમાં વિમાન દુર્ઘટનાગ્રસ્ત થતાં જ , આસપાસના વિસ્તારમાં અફડાતફડી મચી ગઇ હતી , તેમજ ઘરોમાં ભીષણ આગ લાગી હતી. દુર્ઘટનાની જાણ થતાં જ ફાયરબ્રિગેડ , ઘટના સ્થળે ધસી ગયું હતું , તેમજ આગને કાબૂમાં લેવાની કામગીરી આરંભી દીધી હતી.પ્રધાનમંત્રી નરેન્દ્ર મોદીએ ટિવટ કરી દુઃખ વ્યક્ત કર્યું હતું.