અમદાવાદ સ્ટેશન પર ભારતીય રેલવેની પ્રથમ “ડોર ટૂ ડોર” લગેજ પાર્સલ સેવાનો પ્રારંભ

અમદાવાદ સ્ટેશન પર ભારતીય રેલવેની પ્રથમ “ડોર ટૂ ડોર” લગેજ પાર્સલ સેવાનો પ્રારંભ થયો છે. અમદાવાદ ડિવિજનનાં ડીઆરએમ દીપક કુમારઝાએ આ સુવિધાનું શુભારંભ કરતાં જણાવ્યું કે આ સુવિધાનો પ્રારંભ કરનાર અમદાવાદ ડિવિજન એ પહેલું ડિવિજન છે જેનાથી રેલવેને પ્રતિ વર્ષ 4.5 લાખ રૂપિયાની વધારાની આવક પ્રાપ્ત થશે અને રેલવે સ્ટેશન ઉપર કાર્યરત કુલીઓને પણ વધારાની આવક મળશે.

આ સુવિધા “ડોર ટૂ ડોર” ઉપલબ્ધ રહેશે જે માટે બુકિંગ મોબાઇલ એપ તથા વેબસાઇટનાં માધ્યમથી થઈ શકશે. આ સુવિધા થકી મુસાફરો તેમના ઘરેથી ઓનલાઈન બુકીંગ કરીને તેમના ગંતવ્ય સ્ટેશન સુધી નિર્ધારિત સરનામાં પર લગેજ પહોંચાડી શકશે અને લગેજની ઓનલાઇન ટ્રેકિંગ પણ થઈ શકશે. આ ઉપરાંત, સામાન્ય પેમેન્ટ બેસિસ પર બેગેજ સેનિટાઇઝિંગ તથા રેપિંગની સુવિધા ઉપલબ્ધ થશે.