આંધ્રપ્રદેશના વિજિયાનગરમમાં 2 પેસેન્જર ટ્રેન વચ્ચે અકસ્માત, 9 લોકોનાં મોત 29 ઘાયલ

આંધ્રપ્રદેશના વિજિયાનગરમ પાસે મુસાફરોને લઈ જતી એક પેસેન્જર ટ્રેન બીજી ટ્રેન સાથે અથડાઈ હતી.

આંધ્રપ્રદેશના વિજિયાનગરમ પાસે મુસાફરોને લઈ જતી એક પેસેન્જર ટ્રેન બીજી ટ્રેન સાથે અથડાઈ હતી. આ અકસ્માતમાં અત્યારસુધીમાં 9 લોકોના મૃત્યુ અને 29 લોકો ઈજાગ્રસ્ત થયાની માહિતી છે. અધિકારીઓના મુજબ સિગ્નલની રાહલ જોઈ રહેલી એક પેસેન્જર ટ્રેનને પાછળથી આવી રહેલી અન્ય પેસેન્જર ટ્રેને ટક્કર મારી દીધી.  જેના કારણે 3 ડબ્બા પાટા પરથી ઉતરી ગયા હતા. રાહત અને બચાવ કામગીરી ચાલુ છે. આ દરમિયાન વિશાખાપટ્ટનમ લોકોને માહિતી આપવા માટે હેલ્પલાઈન નંબર જાહેર કરવામાં આવ્યાં છે. તો પ્રધાનમંત્રીએ દુર્ઘના પર શોક વ્યક્ત કરી, રેલ દુર્ઘટનામાં પ્રત્યેક મૃતના પરિજનને પ્રધાનમંત્રી રાહત કોષમાંથી 2 લાખ રૂપિયા આપવાની જાહેરાત કરી છે.. આ સાથે જ દુર્ઘટનામાં ઈજાગ્રસ્ત લોકોને 50-50 હજાર રૂપિયા આપવાની જાહેરાત કરાઈ છે.