ઇસરોએ પીએસએલવી–સી–51 યાન ધ્વારા 19 ઉપગ્રહોનું સફળતાપુર્વક પ્રક્ષેષણ

ભારત સમગ્ર વિશ્વમાં અવકાશ ક્ષેત્રે કરી રહેલી પ્રગતિમાં સતત વધારો કરી રહ્યું છે. શ્રી હરીકોટાના સતીષ ધવન અંતરીક્ષ કેન્દ્ર પરથી ગઈકાલે સવારે પીએસએલવી – સી – પ૧ યાન ધ્વારા 19 ઉપગ્રહ સફળતાપુર્વક અવકાશમાં તરતા મુકાયા. આ ૧૯ ઉપગ્રહોમાં ભારત, અમેરીકા અને બ્રાઝીલના વિવિધ ઉપગ્રહોનો સમાવેશ થાય છે. સફળતાપુર્વક પ્રક્ષેપણ બાદ સૌપ્રથમ બ્રાઝીલનો મુખ્ય ઉપગ્રહ એમેજોનીયા-એક અવકાશમાં તરતો મુકાયો, ત્યારબાદ એક કલાકના સમયગાળામાં બાકીના ૧૮ ઉપગ્રહો તરતા મુકાયા.
ઇસરોના અધ્યક્ષ ડોકટર સીવાને કહયું કે બ્રાઝીલ ધ્વારા બનાવાયેલા ઉપગ્રહને સફળતાપુર્વક તરતો મુકાયો એ ગૌરવની બાબત છે. 
પ્રધાનમંત્રી નરેન્દ્ર મોદીએ સફળ પ્રક્ષેપણ બદલ ઇસરોને અભિનંદન આપતા ટવીટ સંદેશામાં કહયું કે ભારતના આ પ્રથમ સંપુર્ણ વાણીજયીક ઉપગ્રહ પ્રક્ષેપણથી અવકાશ ક્ષેત્રે સુધારણાના નવા યુગની શરુઆત થઇ છે.