કેન્દ્રીય રેલવે મંત્રી અશ્વિની વૈષ્ણવે આજે બેંગલુરુમાં દેશનું સૌથી ઝડપી અને સ્વદેશી રીતે વિકસિત મલ્ટિપ્રોટોકોલ લેબલ સ્વિચિંગ રાઉટર લોન્ચ કર્યું

કેન્દ્રીય રેલવે મંત્રી અશ્વિની વૈષ્ણવે આજે બેંગલુરુમાં દેશનું સૌથી ઝડપી અને સ્વદેશી રીતે વિકસિત મલ્ટિપ્રોટોકોલ લેબલ સ્વિચિંગ રાઉટર લોન્ચ કર્યું. આનાથી હાઈ-સ્પીડ ડેટા પ્રોસેસિંગ અને ટ્રાન્સમિશનની માંગ સાથે દેશના ડિજિટલ માળખાને મજબૂત બનાવવામાં મદદ મળશે.દરમિયાન કેન્દ્રીય મંત્રીએ કહ્યું કે દેશમાં 2.4 ટેરાબાઇટ પ્રતિ સેકન્ડની સ્પીડવાળા રાઉટરનું નિર્માણ ગર્વની વાત છે. દેશ માટે આ એક મહત્વપૂર્ણ તક છે જે આત્મનિર્ભરતા અને તકનીકી  નવીનતાઓ તરફ આગળ વધી રહ્યો છે. ડિજિટલ ઈન્ડિયા પહેલમાં આ એક મહત્વપૂર્ણ પગલું છે. શ્રી વૈષ્ણવે જણાવ્યું હતું કે ભારત હવે વિશાળ ડિઝાઇન ક્ષમતાઓ સાથે ઘણી બધી નવીનતા, હાર્ડવેર અને સોફ્ટવેર સાથે હાઇ-ટેક નિર્માણનો પાયો નાંખી રહ્યું છે. આ હાઇ-સ્પીડ રાઉટરને દુરસંચાર વિભાગ અને CDOTના સહયોગથી બેંગલુરુની નિવેટી સિસ્ટમ્સ દ્વારા વિકસાવવામાં આવ્યું છે.