તેલંગાણા સરકારની રાયથુ બંધુ યોજનાની પરવાનગી પરત લેવાનો નિર્ણય લેતું ચૂંટણી પંચ

તેલંગાણા સરકારની રાયથુ બંધુ યોજના અંગે ચૂંટણી પંચે મોટો નિર્ણય લીધો છે.  ચૂંટણી પંચે આ યોજના હેઠળ સહાય વિતરણ માટે સરકારને આપેલી પરવાનગી પાછી ખેંચી લીધી છે. રાજ્યકક્ષાના મંત્રી ટી હરીશ રાવે પ્રચાર દરમિયાન આ યોજના હેઠળના ખર્ચનો ઉલ્લેખ કર્યો હતો. જે બાદ કોંગ્રેસે ચૂંટણી પંચને અપીલ કરી હતી કે, ચૂંટણી અભિયાનમાં આ યોજનાનો ઉલ્લેખ ન થવો જોઈએ. જે બાદ ચૂંટણી પંચે રાજ્ય સરકારની રાયથુ બંધુ યોજનાને ચાલુ રાખવાની પરવાનગી પાછી ખેંચી લીધી છે. 

ચૂંટણી પંચે આ મુદ્દે કાર્યવાહી રિપોર્ટ ફાઇલ કરવા પણ જણાવ્યું હતું. દરમિયાન, ભારતીય રાષ્ટ્રીય સમિતિના નેતા કે. કવિતાએ કહ્યું કે, કોંગ્રેસે ચૂંટણી પંચમાં જઈને રાયથુ બંધુ યોજનાની ફરિયાદ કરી હતી. આ કોંગ્રેસનું ખેડૂત વિરોધી વલણ દર્શાવે છે. કે. કવિતાએ તેલંગાણાના નાગરિકોને પોતાના મત પર કોંગ્રેસને જવાબ આપવા અપીલ કરી હતી.